გაბრიელ ტერ-მიქელოვი

დაბადების ადგილი: ქ. სტავროპოლი, რუსეთი.

საშუალო განათლება მიიღო თბილისის რეალურ სასწავლებელში.

დაამთავრა პეტერბურგის სამოქალაქო საინჟინრო ინსტიტუტის არქიტექტურის განყოფილება 1899 წელს.

1917 წლამდე ააგო რამდენიმე მნიშვნელოვანი შენობა თბილისსა და ბაქოში; საბჭოთა ხელისუფლების წლებში მუშაობას განაგრძობდა თბილისში; რევოლუციამდელი თბილისის არქიტექტორთა შორის, რომლებიც რენესანსულ-ბაროკოული ფორმების რეპერტუარით სარგებლობდნენ, იგი გამოირჩეოდა მაღალი პროფესიონალიზმით, შედარებით მკაცრი გემოვნებითა და ამოცანისადმი გააზრებული მიდგომით; მისი უმთავრესი ნამუშევარია სასტუმრო "თბილისის" შენობა; მას ეკუთვნის აგრეთვე სავხოვრებელი სახლის პროექტი (გ. ქიქოძის N11), რევოლუციამდელი თბილისის ერთ-ერთი საუკეთესო საცხოვრებლის ნაგებობისა; მისი ორი უკანასკნელი ნაწარმოებია რკინიგზელთა კულტურის სახლი (დავით აღმაშენებლის პროსპექტზე) და რკინიგზის სადგურის შენობა (ძველი). 

წყარო: თბილისი: ენციკლოპედია.- თბ., 2002. - გვ.853; http://www.ourbaku.com/index.php/Тер-Микелов_Гавриил_Михайлович_-_архитектор; http://hayazg.info/Тер-Микаелян_Габриел_Михайлович

• სსრკ არქიტექტურის აკადემია, წევრ-კორესპონდენტი

• საქართველოს ხელოვნების დამსახურებული მოღვაწე