მარიამ-მაკრინა

დაბადებისა და გარდაცველების თარიღი ზუსტად არაა ცნობილი, დაახლოებით დაიბადა 1696/1698, გარდაიცვალა 1744 შემდეგ. ქართველი პოეტი; ერეკლე I -ის (ნაზარ-ალი-ხანის) ასული, ედიშერ ჩოლოყაშვილის მეუღლე. მალე დაქვრივებული 1716 წლიდან მონაზონი გახდა და მაკრინად იწოდა. მოღვაწეობდა ალავერდის კათედრალთან წმ. ნიკოლოზის ტაძარში. მარიამი დაახლოებული იყო კახეთის სამეფო კართან. ძმების - კახეთის მეფეების დავალებით შეუდგენია სამეფო დოკუმენტები (მაგ. ე. წ. "ღვთაების გუჯარი" და სხვა). ეს ნაწარმოები თავისი მხატვრულობით გამორჩეულია სხვა მსგავსი საბუთებისაგან. მარიამ-მაკრინეს ლიტერატურული მემკვიდრეობიდან ცნობილია იოსებ ალავერდელისადმი მიძღვნილი 2 ჰიმნოგრაფიული კანონი, ამავე წმინდანის სვინაქსარული ცხოვრება და ღვთისმშობლისადმი მიძღვნილი აკროსტიქული შესხმა. ქველმოქმედი, ჰიმნოგრაფი, სასულიერო საგალობლების ავტორი.

წყარო: ქართული საბჭოთა ენციკლოპედია: ტ. 6.-თბ., 1983.-გვ.439; კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.42; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 211