ნესტორ კალანდარიშვილი

დაბადების ადგილი: სოფელი შემოქმედი, ოზურგეთის მაზრა.

დაამთავრა  ქუთაისის გიმნაზია, სწავლობდა თბილისის სასულიერო სემინარიაში.

რევოლუციური მოღვაწეობისთვის 1903 წელს გარიცხეს სემინარიიდან. ნ. კალანდარიშვილი მონაწილეობდა გურიის გლეხთა აჯანყებაში (1905-1906 წწ.). 1907 წელს დააპატიმრეს  და 1917 წლამდე გადასახლებაში იმყოფებოდა ციმბირში. აქტიურად მონაწილეობდა ირკუტსკში საბჭოთა ხელისუფლების დამყარებაში. რკპ(ბ) ირკუტსკის გუბკომის მითითებით 1918 წელს კოლჩაკის წინააღმდეგ საბრძოლველად შექმნა პარტიზანული რაზმი, შემდეგ იბრძოდა იმიერბაიკალეთში სემიონოველთა წინააღმდეგ. 1921 წლიდან სარდლობდა იაკუტიის ოლქისა და ჩრდილოეთის მხარის ჯარებს. ქართველი ანარქისტი და რევოლუციონერი.

წყარო: ქართული საბჭოთა ენციკლოპადია: ტ. 5.- თბ., 1980.გვ. 326; ბურუსი: burusi.wordpress.com

• ანარქისტ-კომუნისტების პარტია, წევრი (1917-)
• ესერთა პარტია, წევრი (1903-)
• კომუნისტური პარტია, წევრი (1921-)

• წითელი დროშის ორდენი