ირაკლი ტატიშვილი

დაბადების ადგილი: ქ. გორი.

1905-1907წწ. თანამშრომლობდა ანარქისტულ გაზეთებში "მუშა" და "ხმა". ორჯერ დააპატიმრეს გორსა და პეტერბურგში. 1904-1913წწ. სწავლობდა პეტერბურგის, გერმანიის, ინგლისის უმაღლეს სასწავლებელში. 1914-1918წწ. სტამბოლში ასწავლიდა ფრანგულ ენას. საქართველოში დაბრუნების შემდეგ, 1918 წლიდან, ფრანგულ და გერმანულ ენებს ასწავლიდა გორსა და თბილისში. 1923-1927წწ. თბილისის უნივერსიტეტში საერთაშორისო საჯარო და საერთაშორისო კერძო სამართლის, ხოლო 1927 წლიდან ინგლისური ენისა და ლიტერატურის კურსს კითხულობდა. 1935-1946წწ. იყო ჯერ უცხო ენათა კომისიის თავჯდომარე, შემდეგ უცხო ენათა კათედრის გამგე. აღმოსავლეთმცოდნეობის ფაკულტეტის დაარსებიდან (1945) კითხულობდა აღმოსავლეთის დიპლომატიის ისტორიის კურსს. მას ეკუთვნის ესეები ("კრიშნა", "ექსტასისი", "ფრიდრიხ ნიცშე", "საკია-მუნი"). თარგმანები ფ. შილერის "ვერაგობა და სიყვარული" (დადგა მარჯანიშვილის სახელობის თეატრმა, 1935), ე. პოს "სიჩუმე", რომელიც ქართულ მთარგმნელობითი ლიტერატურის ერთ-ერთი საუკეთესო ნიმუშია. ლიტერატურათმცოდნე, მთარგმნელი, საერთაშორისო სამართლის სპეციალისტი, დასავლური ენებისა და ლიტერატურის სწავლების ერთ-ერთი პიონერი საქართველოში, ქართული კულტურის მოღვაწე, ერუდიტი და პოლიტოლოგი.

წყარო: ქართული საბჭოთა ენციკლოპედია: ტ.9-თბ., 1985.-გვ.664