ვლადიმერ უზნაძე

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1928 წელს.

კულტურულ-საგანმანათლებლო და პედაგოგიურ მუშაობას ეწეოდა აჭარასა და თბილისში; 1941-1945წწ. იყო საბჭოთა არმიის რიგებში; 1946 წლიდან - თბილისის ცენტრალური სამეცნიერო ისტორიული ბიბლიოთეკის, ხოლო 1949 წლიდან - საქართველოს მეცნიერებათა აკადემიის ცენტრალური სამეცნიერო ბიბლიოთეკის დირექტორი; მან შეძლო კავშირი დაემყარებინა წიგნთა გაცვლისთვის მსოფლიოს 100-მდე ორგანიზაციასთან, მათ შორის აშშ კონგრესის ბიბლიოთეკასთან, საიდანაც 1956 წელს მეცნიერებათა აკადემიის ბიბლიოთეკამ მიიღო სინის მთაზე და იერუსალიმში დაცული ძველი ქართული 215 ხელნაწერის მიკროფილმი; მას მნიშვნელოვანი წვლილი მიუძღვის ბიბლიოთეკის ახალი შენობის აგებაში, მისი ფონდების დაკომპლექტებაში; მისი ინიციატივით და რედაქტორობით ორ ათეულზე მეტი ნაშრომი გამოიცა; მიღებული აქვს სახელმწიფო ჯილდოები; მისი სახელი მიენიჭა საქართველოს მეცნიერებათა აკადემიის ცენტრალური სამეცნიერო ბიბლიოთეკის ბიბლიოთეკათმცოდნეობისა და ბიბლიოგრაფიის კაბინეტს; საქართველოს მეცნიერებათა აკადემიის ცენტრალური სამეცნიერო ბიბლიოთეკის მთავარი ფუძემდებელი და დირექტორი (1949-1967); პედაგოგიურ მეცნიერებათა კანდიდატი (1961).

წყარო: თბილისი: ენციკლოპედია.- თბ., 2002. - გვ.860

• 1962 - საქართველოს დამსახურებული ბიბლიოთეკარი

• საქართველოს სსრ მეცნიერებათა აკადემიის ცენტრალური სამეცნიერო ბიბლიოთეკა . - თბილისი, მეცნიერება, 1965. - 117გვ.