ლავროსი კალანდაძე

დაბადების ადგილი: სოფელი ხიდისთავი, ჩოხატაურის რაიონი.

პირველდაწყებითი განათლება სოფლის სკოლაში მიიღო. შემდეგ სწავლობდა ჩოხატაურის გიმნაზიაში, ხოლო მოგვიანებით 1930-1933 წლებში მოსკოვში წითელი პროფესურის ენის, ლიტერატურისა და ხელოვნების ინსტიტუტში.

ლავროსი კალანდაძე ადრე შეუდგა შრომით და საზოგადოებრივ საქმიანობას, მაგრამ მთელი თავისი შეგნებული ცხოვრება ლიტერატურის სამსახურს შეალია. იყო მწერლობის ისტორიკოსიც, კრიტიკოსიც და თეორეტიკოსიც. განსაკუთრებით აღსანიშნავია მისი ლიტერატურულ-კრიტიკული წერილები კ. ლორთქიფანიძის, ა. აბაშელის, გ. ქუჩიშვილის, ს. ჩიქოვანის, გ. ტაბიძის, ა. მირცხულავას და სხვათა შემოქმედებაზე. მისი ნარკვევი ნ. ბარათაშვილის შესახებ გამოიცა რუსულ, ინგლისურ, გერმანულ, ფრანგულ და სხვა ენებზე. 

წყარო: ქართული საბჭოთა ენციკლოპედია: ტ. 5.- თბ., 1980.- გვ. 327

• შრომის წითელი დროშის ორდენი

• სხვადასხვა ლიტერატურული წერილები (ავტორი). - თბილისი, საბჭ.საქართველო, 1979. - 262გვ.
• ლიტერატურული ნაფიქრები (ავტორი). - თბილისი, მერანი, 1976. - 496გვ.
• წერილები : გ. ტაბიძის, ლ. ქიაჩელის, დ. შენგელაიას და სხვ. შესახებ (ავტორი). - თბილისი, მერანი, 1972. - 793გვ.
• წერილები ლიტერატურაზე (ავტორი). - თბილისი, სახელგამი, 1955. - 258 ვ.