პავლე ზურაბიანი

დაბადების ადგილი: ქ. შუშა, ყოფილი ელიზავეტოპოლის გუბერნია, ახლანდელი აზერბაიჯანი.

დაამთავრა პეტერბურგის სამოქალაქო ინჟინერთა ინსტიტუტი 1898 წელს.

მუშაობდა თბილისის თვითმმართველობაში უბნის არქიტექტორად. მისი ნამუშევრებიდან აღსანიშნავია: ყოფილი სომხური სემინარიის შენობა არსენალის მთაზე, პ. სააკაძის ქ. 1 (1910–1911, არქიტ. მ. ნეპრინცევთან ერთად), IV სამმართველოს სამკურნალო კომბინატი(ილია ჭავჭავაძის პრ. 5 1937, არქიტექტორ პ. უშენინთან ერთად; დაანგრიეს 2012 წელს, შემორჩენილია შენობის ფასადის მხოლოდ მცირე ფრაგმენტი), საცხოვრებელი სახლები (კოჯრის ქ. 3, ვ. სარაჯიშვილის ქ. 3ა, მ. წინამძღვრიშვილის ქ. 39). პავლე ზურებიანმა შეადგინა აგრეთვე მცირე შეძლების მცხოვრებთათვის საცხოვრებელი სახლის ტიპობრივი პროექტი, რომელიც თბილისის თვითმმართველობამ 1910 წელს გამოსცა.

წყარო: საქართველო: ენციკლოპედია: ტ.III.–თბ., 2014.-გვ.402