გიორგი ტყეშელაშვილი

დაბადების ადგილი: ქ. ქუთაისი.

დაამთავრა თბილისის ენერგეტიკული ინსტიტუტი 1932 წელს.

მეორე მსოფლიო ომის მონაწილე. 1932-1938წწ. მუშაობდა ელექტროტექნიკური პროფილის სხვადასხვა დაწესებულებებში. 1939 წლიდან მუშაობა დაიწყო საქართველოს პოლიტექნიკურ ინსტიტუტში. 1948 წლიდან - დოცენტი; 1967 წლიდან - პროფესორი. 1958-1962წწ. ახლად შექმნილი ავტომატიკისა და გამოთვლითი ტექნიკის ფაკულტეტის დეკანი; 1963 წლიდან - ავტომატიკისა და ტელემექანიკის კათედრის გამგე. მართვის მეცნიერებების ერთ-ერთი ფუძემდებელი საქართველოში. მრავალი წლის განმავლობაში ხელმძღვანელობდა რიგ სამეცნიერო-კვლევით სამუშაოებს, რომლებიც საქართველოს წამყვან საწარმოებში ეფექტური ავტომატური სისტემების დანერგვას ემსახურებოდა. მისი ძირითადი შრომები ეხება არასიმეტრიული მრავალფაზა ელექტრული წრედების რეჟიმების თეორიულ საკითხებს. 1960-იან წლებში დაწერილ მის სახელმძღვანელოს "კიბერნეტიკის თეორიული საფუძვლები" დღესაც არ დაუკარგავს აქტუალობა. საბჭოთა მეცნიერი ელექტროტექნიკისა და ავტომატიკის დარგში, ტექნიკური მეცნიერების დოქტორი (1966), პროფესორი (1967). მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.86; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.319

• სკკპ, წევრი (1943-)

• 1980 - საქართველოს მეცნიერებათა დამსახურებული მოღვაწე
• საპატიო ნიშნის ორდენი