ნიკოლოზ ჩერეპნინი

დაბადების ადგილი: ქ. პეტერბურგი.

დაამთავრა პეტერბურგის უნივერსიტეტი 1895 წელს(იურიდიული), პეტერბურგის კონსერვატორია 1898 წელს(საკომპოზიციო).

1899–1905წწ. იყო პეტერბურგის სასახლის კარის კაპელის საორკესტრო კლასის გამგე; 1905–1918წწ. პეტერბურგის კონსერვატორიის პედაგოგი, 1909 წლიდან პროფესორი; რუსეთში(პეტერბურგი) პირველად დააარსა დირიჟორობის კლასი; 1902 წლიდან იყო "რუსული სიმფონიური კონცერტების" მუდმივი დირიჟორი; 1906–1909წწ. პეტერბურგის მარინის თეატრის დირიჟორი; "ბელიაევის წრის" წევრი, "თანამედროვე მუსიკის საღამოების" წრის წევრი, თანამშრომლობდა "Мир искусства"–ს ჯგუფთან, 1909–1914წწ. მონაწილეობდა "რუსული სეზონის" კონცერტებში; 1918–1921წწ. ცხოვრობდა თბილისში; 1919–1922წწ. თბილისის კონსერვატორიის პედაგოგი, რექტორი; 1920–1921წწ. თბილისის ოპერის თეატრის დირიჟორი; საქართველოს გასაბჭოებისთანავე დატოვა საქართველო; 1921 წლიდან მოღვაწეობდა საფრანგეთში, პარიზის მახლობლად ისსი–ლე–მულინოში; გასტროლებს მართავდა როგორც დირიჟორი ევროპის მრავალ ქვეყანაში; 1925 წელს პარიზში დააარსა "რუსული კონცერტები"; თხზულებები, ბალეტები: "არმიდას პავილიონი"(1907, პეტერბურგი), "ნარცისი და ექო"(1911, მონტე–კარლო), ოპერა – "Ванька-Ключник"(1932, ბელგრადი), სიმფონიური პოემა "Марья Моревна", საფორტეპიანო პიესები, კამერულ–ინსტრუმენტული ანსამბლები, რომანსები(100); კომპოზიტორის, პიანისტისა და მუსიკის კრიტიკოსის ა. ნ. ჩერეპნინის მამა.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 531