გრიგოლ ჩივაძე

დაბადების ადგილი: ქ. თბილისი.

1918–1921წწ. სწავლობდა თბილისის მ. პერინის სახელობის კერძო ქორეოგრაფიულ სტუდიაში.

1927–1930 წლებში გამოდიოდა თბილისის თეატრებისა და მუშათა კლუბების სცენაზე. 1931 წლიდან იყო თბილისის ოპერისა და ბალეტის თეატრში სოლისტი. 1930-1931 წლებში იგი მიიწვიეს ზ. ფალიაშვილის სახ. თბილისის ოპერისა და ბალეტის სახელმწიფო თაეტრში ქართული ცეკვების შემსრულებლად. 1932 წლიდან გრიგოლი ნაყოფიერ პედაგოგიურ მოღვაწეობას ეწეოდა ქუთაისში, წულუკიძეში, თელავში, სიღნაღში, გურჯაანში, საგარეჯოში, გორში, ხაშურსა და კასპში და თბილისის პლეხანოვის სახ. კლუბთან არსებულ ქორეოგრაფიულ სტუდიაში. 1938 წლიდან სათავეში ჩაუდგა თბილისის ა/კ რკინიგზის საკავშირო სახელობის კლუბთან არსებული სიმღერისა და ცეკვის ანსამბლს და 1948 წელს წარმატებით გამოვიდა რკინიგზელთა მხატვრული თვითმოქმედების დათვალიერებაზე. 1950 წლიდან ბორჯომის კულტურის სახლის სიმღერისა და ცეკვის ანსამბლის ქორეოგრაფი. 1951 წელს მე-7 რესპუბლიკურ ოლიმპიადაზე "მწყემსურისა" და "რთველის" დადგმისათვის საქართველოს სსრ უმაღლესი საბჭოს პრეზიდიუმის სიგელით დააჯილდოეს. 1957 წელს პედაგოგიურ მოღვაწეობას ეწეოდა საქართველოს სხვადასხვა ქალაქებში. გასტროლებით შემოიარა საქართველო, სსრკ, ევროპის ქვეყნები.

წყარო: ქართული მუსიკის ენციკლოპედიური ლექსიკონი.– თბ., 2015.– გვ.532; ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.-127-128

• 1956 - საქართველოს ხელოვნების დამსახურებული მოღვაწე