თინათინ ფანიაშვილი

სწავლობდა საქართველოს პოლიტექნიკური ინსტიტუტის სამშენებლო ფაკულტეტზე არქიტექტურის სპეციალობით 1937-1941წწ; დაამთავრა აგრეთვე თბილისის სახელმწიფო კონსერვატორია ვოკალის განხრით 1944 წელს.

ეწეოდა აქტიურ საკონცერტო მოღვაწეობას; ნამუშევრები თბილისში - ვაკის პარკის მიმდებარე ტერიტორიის დაგეგმარება და ტურბაზის 2 პროექტი; ტურისტული სასტუმრო "ვაკე"; ქართული ტრადიციული ყოფის სადემონსტრაციო ეროვნული რესტორნის შენობა (მხატვრები ნ. იგნატოვი, ნ. მალაზონია; მოქანდაკეები მ. კახიშვილი, ა. რატიანი); საბავშვო ბაგა-ბაღები, ინდივიდუალური საცხოვრებელი სახლები და სხვა; მისმა პროექტებმა გამოფენებზე პარიზში, რუმინეთსა და სხვა მაღალი შეფასება დაიმსახურა. მიღებული აქვს საქართველოს სსრ მინისტრთა საბჭოს პრემია (1982).

წყარო: თბილისი: ენციკლოპედია.- თბ., 2002. - გვ.865; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.413

• 1996 - ღირსების ორდენი
  ქართული არქიტექტურის განვითარებაში შეტანილი დიდი წვლილისა და ნაყოფიერი მოღვაწეობისათვის
• 1971 - საქართველოს დამსახურებული არქიტექტორი