მიხაილ უნგროვლახელი

XVII საუკუნის დასასრულისა და XVIII საუკუნის I მეოთხედის გამოჩენილი მესტამბე, ქართული ეროვნული სტამბის ერთ-ერთი მოამაგე. თბილისში სტამბის მოსაწყობად ვახტანგ VI-მ 1707 წელს ვლახეთიდან (ახლანდელი რუმინეთი) მოიწვია "ერთი სტამბის ხელოვანი", ანთიმოზ ივერიელის ნამოწაფარი მ. იშტანოვიჩი (ქართული წყაროებით, მიხაი სტეფანესშვილი, იგივე უნგროვლახელი); ვახტანგ VI-ის ხელშეწყობით, აგრეთვე ადგილობრივი ოსტატების მონაწილეობით 1708-1709წწ. გამართა ქართული სტამბა და 1709 წელს ნუსხური და მხედრული შრიფტით დაბეჭდა პირველი წიგნები: "სახარება", "დავითნი", "სამოციქულო", "კონდაკი", "ჟამნი", წინასწარმეტყველთა წიგნები და სხვა; გამოცემათა მაღალმხატვრული დონე განაპირობა ქართული ხელნაწერი წიგნის მრავალსაუკუნოვანმა ტრადიციამ; 1712 წელს თბილისიდან მოსკოვში წავიდა, იქიდან კი - ჰოლანდიაში.

წყარო: თბილისი: ენციკლოპედია.- თბ., 2002. - გვ.861;http://ka.wikipedia.org/wiki/მიხაი_იშტვანოვიჩი