ვალერიან ზუხბაია

დაბადების ადგილი: ქ. წალენჯიხა.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1945 წელს.

1946–1951 წლებში მუშაობდა საქართველოს მეცნიერებათა აკადემიის აფხაზეთის ასსრ-ის საწარმოო ძალთა შემსწავლელ სამეცნიერო-კვლევით ინსტიტუტში. 1951 წლიდან მუშაობდა სოხუმის პედაგოგიურ ინსტიტუტში (საბუნებისმეტყველო ფაკულტეტის დეკანი, გეოგრაფიის კათედრის გამგე), 1954–1959 წლებში ქუთაისის პედაგოგიურ ინსტიტუტში, 1959–1993 წლებში საქართველოს სუბტროპიკული მეურნეობის ინსტიტუტში, 1993–2005 წლებში საქართველოს მეცნიერებათა აკადემიის ა. ჯანელიძის სახელობის გეოლოგიის ინსტიტუტში (წამყვანი მეცნიერ-თანამშრომელი) და თბილისის სახელმწიფო უნივერსიტეტის სოხუმის ფილიალში (პროფესორი). ვალერიან ზუხბაია არის ავტორი უმაღლესი სკოლის სახელმძღვანელოებისა (მინერალოგიისა და პეტროგრაფიის მოკლე კურსი; ზოგადი გეოლოგიის პრაქტიკუმი; ზოგადი გეოლოგია; მხარეთმცოდნეობა). მან გამოიკვლია და დაადგინა 4000-მდე აფხაზური ტოპონიმი, შეისწავლა ქვის კულტურის ისტორია საქართველოში, ძვირფასი ქვები "ვეფხისტყაოსანში" და სხვ. პროფესორი (1992).

საკანდიდატო დისერტაციის თემა - "აფხაზეთის ბარიტიანი რაიონის გეოლოგია და პეტროგრაფია", დაიცვა 1953 წელს.

წყარო: საქართველო: ენციკლოპედია: ტ.III.–თბ., 2014.-გვ.407; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.129-130

• აფხაზეთის რეგიონული მეცნიერებათა აკადემია , წევრი (1995-)

• 2002 - ღირსების ორდენი
• 1992 - საქართველოს უმაღლესი სკოლის დამსახურებული მუშაკი
• აფხაზეთის მეცნიერების დამსახურებული მუშაკი
• საქართველოს მეცნიერებათა დამსახურებული მოღვაწე
• ივანე ჯავახიშვილის სახელობის მედალი
• ალექსანდრე ჯანელიძის სახელობის მედალი

• ბუნება "ვეფხისტყაოსანში" (ავტორი). - თბილისი, 1999. - 320გვ.
• ქართული ოქრო (ავტორი). - თბილისი, საქართველო, 1995. - 88გვ.
• გალი : რაიონის ბუნება, ისტორიული ნარკვევები, სახალხო მეურნეობა (ავტორი). - სოხუმი, ალაშარა, 1988. - 88გვ.
• მხარეთმცოდნეობა : დამხმ. სახელმძღვ. პედ. ინ-ტის ბიოლოგია-გეოგრაფიის სპეც. სტუდენტებისათვის (ავტორი). - თბილისი, განათლება, 1988. - 232გვ.
• ძვირფასი და სანახელავო ქვები (ავტორი). - თბილისი. - 400გვ.