ოთარ ზუხბაია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-მშენებლის სპეციალობით 1963 წელს, 1984 წელს სკკპ ცკ-ის საზოგადოებრივ მეცნიერებათა აკადემია (დაუსწრებლად).

1963–1974 წლებში მუშაობდა საქქალაქმშენპროექტში სხვადასხვა თანამდებობაზე; 1974-1978წწ.  მუშაობდა ცენტრალურ კომიტეტში მშენებლობის განყოფილების გამგის პირველი მოადგილედ; 1978–1980 წლებში იყო საქართველოს კპ გალის რაიკომის პირველი მდივანი, 1980–1985 წლებში საქართველოს კპ აფხაზეთის საოლქო კომიტეტის მდივანი, 1985–1987 წლებში მეორე მდივანი, 1987-1989 წლებში აფხაზეთის ასსრ მინისტრთა საბჭოს თავმჯდომარე, 1989–1991 წლებში საქართველოს მინისტრთა საბჭოს საგანგებო სიტუაციების განყოფილების გამგე. 1991–1995 წლებში იყო საქართველოს მეცნიერებათა ეროვნული აკადემიის პრეზიდენტის მოადგილე საერთო საკითხებში; 1992-1995წწ. საქართველოს მე-3 მოწვევის პარლამენტის წევრი, საარჩევნო ბლოკი: ბლოკი "მშვიდობა", საარჩევნო ფორმა: მაჟორიტარული, მაჟორიტარი №9 მაჟორიტარული საარჩევნო ოლქიდან.

წყარო: საქართველო: ენციკლოპედია: ტ.III.–თბ., 2014.-გვ.406;  საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.166; საქართველოს პარლამენტის ვებგვერდი: old.parliament.ge

• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის საფინანსო-საბიუჯეტო კომისია, წევრი (1992-1995)
• საქართველოს მე-3 მოწვევის პარლამენტის აფხაზეთის საქმეთა კომისია, წევრი (1993-1995)
• საქართველოს მე-3 მოწვევის პარლამენტის ფრაქცია " დემოკრატიული კავშირი", წევრი (1993-1995)

• ღირსების ორდენი
• საპატიო ნიშნის ორდენი