კირილე უკლება

დაბადების ადგილი: სოფელი კურსები, ტყიბულის საქალაქო საბჭოს ტერიტორია.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1939 წელს. 

მუშაობდა ქ. არხანგელსკში. 1941 წელს გაიწვიეს წითელ არმიაში. 1942 წლიდან მოქმედ არმიაში იყო. იბრძოდა ჩდილო-დასავლეთის, ვოლხოვისა და ბელორუსიის I ფრონტებზე. მდინარეების ვარტასა და ოდერის გადალახვისას გამოჩენილი მამაცობისათვის საბჭოთა გმირის წოდება მიენიჭა; 1946-1976წწ. ხელმძღვანელობდა საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" სამშენებლო სამმართველოსა და ამავე სამინისტროს N18 სამშენებლო ტრესტს; იყო საქართველოს მინისტრთა საბჭოსთან არსებული წყალსამეურნეო ობიექტების მშენებლობის მთავარი სამმართველოს "საქმთავარწყალმშენის" უფროსის მოადგილე; მონაწილეობდა საქართველოს სხვადასხვა რეგიონში "საქმთავარწყალმშენის" სისტემის, ასევე, ქ.რუსთავისა და ქ. თბილისის სამრეწველო, სამოქალაქო და ჯანმრთელობის დაცვის ობიექტებს, მათ შორის, სასტუმრო "აჭარას" (თბილისში) მშენებლობაში; დიდი წვლილი აქვს შეტანილი საქართველოში მელიორაციული მშენებლობისთვის ანაკრები რკინაბეტონის კონსტრუქციების წარმოებისა და დანერგვის საქმეში; გადამდგარი გვარდიის მაიორი. მიღებული აქვს საბრძოლო და სამოქალაქო სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.121; საქართველოს არქიტექტორთა და მშენებელთა ენციკლოპედია. - თბ., 2017.-გვ.538

• სკკპ, წევრი (1943-)

• 1945 - საბჭოთა კავშირის გმირი
  ოდერისათვის ბრძოლებში გამოჩენილი უმაგალითო გმირობისათვის
• სსრკ სახელმწიფო პრემია
• საქართველოს დამსახურებული ინჟინერი
• ლენინის ორდენი