რევაზ ჩირინაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1972 წელს(ჰობოი), 1981 წელს(საკომპოზიციო).

1974–1976წწ. იყო საქტელერადიო ორკესტრის, 1976–1981წწ. საქართველოს სახელმწიფო სიმფონიური ორკესტრის და თბილისის მუსკომედიის თეატრის ორკესტრის ჰობოისტი; 1986 წლიდან ცხოვრობდა მოსკოვში; 1986–1991წწ. "სოიუზმულტფილმის" მთავარი მუსიკლაური რედაქტორი; 1991–1998წწ. მოსკოვში ქართული კულტურის ცენტრის "მზიური" ხელმძღვანელი, მოსკოვის ეთნოკულტურული მიმართულების(ქართული) ზოგადსაგანმანათლებლო საშუალო სკოლის(N1331) მუსიკალური ხელმძღვანელი; წლების მანძილზე ხალხური სიმღერის ანსამბლ "ლომისის" და ვოკალურ–ჯაზური კვარტეტის "ჯორჯიას" ხელმძღვანელი, რომელთა რეპერტუარში შედიოდა ჯაზური მუსიკის მსოფლიო კლასიკა, მისი ორიგინალური ნაწარმოებები და არანჟირებები; ეს კოლექტივები მრავალი კონკურსისა და ფესტივალის ლაურეატია(მოსკოვი, პეტერბურგი, მინსკი, კიევი, ვარშავა, კრაკოვი); თხზულებები: კონცერტი–ფანტაზია ფორტეპიანოსა და ორკესტრისათვის(1988, პირველი შესრულება), სიუიტა სასულე საკრავთა კვინტეტისათვის(1988, პირველი შესრულება), კონცერტი ფორტეპიანოსა და ორკესტრისათვის, საბავშვო საგუნდო ნაწარმოებები, მათ შორის: ციკლი "წელიწადის დრონი", კანტატა ბავშვთა გუნდისა და ორკესტრისათვის, კამერულ–ინსტრუმენტული ჟანრის ნაწარმოებები;  მუსიკა დრამატული სპექტაკლებისათვის, მათ შორის: "მოცარტი და სალიერი", "Женщина с моря"("МХАТ", მოსკოვის სამხატვრო თეატრი), "Страсти черноморья"(მოსკოვის სატირის თეატრი), "Сказки на всякий случай", "Оловянные солдатики"(მოსკოვის მოზარდმაყურებელთა თეატრი), "Синяя птица"(ნოვოსიბირსკის დრამატული თეატრი), "Лягушонок"(ობრაზცოვის თოჯინების თეატრი); მუსიკა მულტფილმებისათვის: (20–ზე მეტი), მათ შორის: "Поединок", "Утро попугая Кеши", "Однажды", "Дочь великана", "Праздник", "Сундук", "Белый домик"; საესტრადო სიმღერები; შემსრულებელი, ვოკალურ–ჯაზური არანჟირებების ავტორი; კომპოზიტორ მ. ჩირინაშვილის ვაჟიშვილი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 534

• რუსეთის კომპოზიტორთა კავშირი, წევრი
• საქართველოს კომპოზიტორთა კავშირი, წევრი

• 2008 - თეატრალური პრემია "Гвоздь сезона" (მოსკოვი)
  სპექტაკლი "Сказки на всякий случай"