ნეოფიტე აგლაძე

დაბადების ადგილი: სოფელი მუხლი, ამბროლაურის რაიონი.

1887 წლიდან სწავლობდა თბილისში იტალიელი ოსტატის ანდრეოლეტის სახელოსნოში.

1912 წელს გახსნა საკუთარი სახელოსნო; 1945-1953წწ. თბილისის სამხატვრო აკადემიის ქანდაკების ფაკულტეტის (ქვის კვეთა) და სამხატვრო-სამშენებლო სახელოსნო სასწავლებლის (ამჟამად თბილისის მ. თოიძის სახელობის სამხატვრო სასწავლებელი) პედაგოგი; მუშაობდა ვლადიმერ, ნიკო და ლავრენტი აგლაძეებთან ერთად; მონაწილეობდა ქაშვეთის ტაძრის, თბილისის სათავადაზნაურო-საადგილმამულო ბანკის (ახლანდელი საქართველოს ეროვნული ბიბლიოთეკა), ყოფილი მარქსიზმ-ლენინიზმის ინსტიტუტის საქართველოს ფილიალის და სხვა არქიტექტურულ ნაგებობათა მხატვრულ გაფორმებაში; შეაკეთა სვეტიცხოვლის კარნიზები და ქვის სახურავი; ქვაში გამოკვეთა ქართველ მოქანდაკეთა მრავალი სკულპტურული ნამუშევარი; ხელი შეუწყო ქართული ტრადიციული ხუროთმოძღვრული ჩუქურთმის გაცოცხლებას თანამედროვე ეროვნულ არქიტექტურაში.

წყარო: ქართული საბჭოთა ენციკლოპედია, ტ. 1, გვ. 59, თბ., 1975