ვლადიმერ აგლაძე

დაბადების ადგილი: სოფელი მუხლი, ამბროლაურის რაიონი.

სწავლობდა თბილისში იტალიელ ოსტატ ანდრეოლეტის სახელოსნოში.

1906 წელს დააარსა ქვაზე მომუშავეთა პროფესიული ორგანიზაცია; საქართველოში საბჭოთა ხელისუფლების დამყარების შემდეგ მუშაობდა მშენებელთა კავშირის თავმჯდომარედ, სააქციო სამშენებლო საზოგადოების თავმჯდომარედ და სხვა. მონაწილეობდა თბილისში საქართველოს მთავრობის სახლის, ყოფილი მარქსიზმ-ლენინიზმის ინსტიტუტის საქართველოს ფილიალის, ქალაქის ვაგზლის, "საქნახშირის" ადმინისტრაციული სახლის, მეტეხის ახალი ხიდის და სხვა მხატვრულ გაფორმებაში.

წყარო: ქართული საბჭოთა ენციკლოპედია, ტ. 1, გვ. 58, თბ., 1975