ლავრენტი აგლაძე

დაბადების ადგილი: სოფელი ბარი, ონის რაიონი.

1897-1901წწ. სწავლობდა ბაქოში იტალიელ ოსტატ ფრანზის სახელოსნოში; 1913 წლამდე იქვე მუშაობდა. მონაწილეობდა საზოგადოებრივ და კერძო ნაგებობათა ფასადების მხატვრულად გაფორმებაში (ბაქოს რეალური სასწავლებელი, 1905 და სხვ.); 1913 წლიდან მუშაობდა თბილისში ნეოფიტე აგლაძის სახელოსნოში; მონაწილეობდა თბილისის სათავადაზნაურო-საადგილმამულო ბანკის (ახლანდელი საქართველოს ეროვნული ბიბლიოთეკა), სასტუმრო "მაჟესტიკის" (ამჟამად "თბილისი"), ყოფილი მარქსიზმ-ლენინიზმის ინსტიტუტის საქართველოს ფილიალის, თბილისის ფუნიკულიორის ზედა სადგურის, კინოთეატრ "რუსთაველის", ბ. პაიჭაძის სახელობის ეროვნული სტადიონის მხატვრულ გაფორმებაში.

წყარო: ქართული საბჭოთა ენციკლოპედია, ტ. 1, გვ. 58, თბ., 1975