გიორგი ფავლენიშვილი

დაბადების ადგილი: ქ. ცხინვალი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1924 წელს.

1940-1941წწ. და 1945-1946წწ. მუშაობდა ხაშურის რაიონულ საავადმყოფოში ქირურგიული განყოფილების გამგედ, 1941-1945წწ. იქვე ევაკოჰოსპიტლის მთავარ ქირურგად. 1946-1962წწ. და 1964-1973წწ. იყო ტრავმატოლოგიისა და ორთოპედიის სამეცნიერო - კვლევითი ინსტიტუტის დირექტორის მოადგილე სამეცნიერო დარგში, 1973 წლიდან კონსულტანტი. შეისწავლიდა სახსრების ათაშანგს, სიმსივნეთა შედარებით პათოლოგიას, ცეცხლმსროლელი იარაღით გამოწვეულ ოსტეომიელიტს. ხელმძღვანელობდა ინსტიტუტის მეთოდურ მუშაობას რესპუბლიკის მასშტაბით ტრავმატოლოგიური სამსახურის ორგანიზაციის საქმეში და სხვა. ექიმი-ტრავმატოლოგი, მედიცინის მეცნიერებათა დოქტორი (1959), პროფესორი (1961). მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.207

• სკკპ, წევრი (1943-)

• 1967 - საქართველოს მეცნიერებათა დამსახურებული მოღვაწე
• წითელი ვარსკვლავის ორდენი
• ლენინის ორდენი

• სახსრების ათაშანგის საკითხისათვის (ავტორი). - ტფილისი, ს.ს.მ.უ.ს. პოლიგრაფტრ. 1-ლი სტ, 1926. - 18გვ.