თამაზ თადუმაძე

დაბადების ადგილი: სოფელი ხუნჯულაური, ახლანდელი სამტრედიის მუნიციპალიტეტი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტი 1970 წელს.

1973–2006 წლებში მუშაობდა თბილისის სახელმწიფო უნივერსიტეტის ილია ვეკუას სახელობის გამოყენებითი მათემატიკის ინსტიტუტში. 1992 წლიდან არის თბილისის სახელმწიფო უნივერსიტეტის  პროფესორი. თამაზ თადუმაძის სამეცნიერო კვლევების მიმართულებებია: ოპტიმალურობის აუცილებელი პირობები, არსებობის თეორემები, მიახლოებითი მეთოდები ფუნქციონალურ-დიფერენციალური განტოლებების შემცველი ოპტიმალური მართვის ამოცანებისათვის; კოშის ამოცანის კორექტულობა, ამონახსნის ვარიაციის ფორმულები და შებრუნებული ამოცანები ფუნქციონალურ-დიფერენციალური განტოლებებისათვის. ფიზიკა-მათემატიკის მეცნიერებათა დოქტორი (1985). პროფესორი (1996).

 წყარო: საქართველო: ენციკლოპედია: ტ.III.–თბ., 2014.-გვ.420

• 2001 - ანდრია რაზმაძის სახელობის პრემია

• უმაღლესი მათემატიკა = Advanced mathematics : ლექციების კურსი ქიმიის, ბიოლოგიისა და სიცოცხლის შემსწავლელ მეცნიერებათა მიმართულების სტუდენტებისათვის (რედაქტორი) // ნაწ. 2 : დიფერენციალური მოდელები. - თბილისი, თბილ. უნ-ტის გამ-ბა, 2009. - 128გვ.. - ISBN: 978-9941-13-130-1