სამსონ ფირცხალავა

დაბადების ადგილი: სოფელი მათხოჯი,  ახლანდელი ხონის მუნიციპალიტეტი.

დაამთავრა პეტერბურგის უნივერსიტეტის იურიდიული ფაკულტეტი 1898 წელს.

1901-1902წწ. მუშაობდა გაზეთ "ივერიის" რედაქციაში; იყო საქართველოს სოციალ ფედერალისტთა პარტიის ერთ-ერთი დამფუძნებელი წევრი და ლიდერი; გაზეთ "გლეხის" ერთ-ერთი დამაარსებელი და ფაქტობრივი რედაქტორი (1906);  1910 წელს გადაასახლეს ქ. ტვერში, საიდანაც 1913 წელს დაბრუნდა; ხელმძღვანელობდა გაზეთ "სახალხო საქმეს" (1917-1921); 1918 წლის 26 მაისს ხელი მოაწერა საქართველოს დამოუკიდებლობის აქტს; ავტორია ისტორიული თხზულებებისა, თანაავტორი კრებულისა "ილია ჭავჭავაძის სიკვდილი და დასაფლავება" (1907); 1921 წლის შემდეგ წავიდა ემიგრაციაში, სადაც განაგრძობდა პუბლიცისტურ და პოლიტიკურ საქმიანობას; შემდეგ პოლიტიკურ სარბიელს ჩამოსცილდა; 1948 წელს სამშობლოში დაბრუნდა; 1951 წელს იგი დაპატიმრებულ იქნა, როგორც საბჭოთა სისტემისთვის "მავნე ელემენტი"; იმავე წლის 25 დეკემბერს გადაასახლეს შუა აზიაში, სადაც გარდაიცვალა. საზოგადო და პოლიტიკური მოღვაწე, პუბლიცისტი.

წყარო: თბილისი: ენციკლოპედია.- თბ., 2002. - გვ.873

• საქართველოს დამფუძნებელი კრება, წევრი სოციალ-ფედერალისტური ფრაქციიდან (1919-)
• საქართველოს ეროვნული კრება, წევრი (1917-)
• ქართველთ შორის წერა-კითხვის გამავრცელებელი საზოგადოება, მდივანი, საქმეთა მმართველი (1902-1910)

• მოგონებათა ფურცლები (ავტორი). - თბილისი, საბჭოთა საქართველო, 1988. - 133გვ.
• ქართველთა წინაპრები და მათი მონათესავე ტომები აზიაში 40-6 ს. ს. ძვ. წ.. (ავტორი). - თბილისი, 1948. - 59გვ.
• ისტორიული ლანდები (ავტორი). - პარიზი, 1934. - 72გვ.
• ეროვნება და ეროვნული თავისუფლება (ავტორი). - ტფილისი, 1918. - 64გვ.
• სამაჰმადიანო საქართველო ან ძველი მესხეთი (ავტორი). - ტფილისი, 1915. - 96გვ.