ნიკოლოზ თავართქილაძე

დაბადების ადგილი: სოფელი ქვენობანი, ახლანდელი ჩოხატაურის მუნიციპალიტეტი.

დაამთავრა ქართული გაერთიანებული სამხედრო სკოლა 1927 წელს.

1939 წელს მ. ფრუნზეს სახელობის სამხედრო აკადემიის კურსების დამთავრების შემდგომ დაინიშნა კიევის განსაკუთრებულ სამხედრო ოლქში ერთერთი დივიზიის ოპერატიული ნაწილის უფროსად. II მსოფლიო ომის (1939–1945) დროს მეთაურობდა 76-ე მსროლელ დივიზიას (1942 წლიდან–51-ე გვარდიის მსროლელი დივიზია), 1943–1945 წლებში 23-ე გვარდიის მსროლელ კორპუსს. მონაწილეობდა სტალინგრადის, ორიოლ-კურსკის ბრძოლებში, იბრძოდა უკრაინის, უნგრეთის, ჩეხოსლოვაკიის, ავსტრიის განთავისუფლებისათვის. 1945 წლიდან იყო საჰაერო სადესანტო კორპუსის მეთაური. 1954 წელს დაამთავრა საბჭოთა არმიის გენერალური შტაბის აკადემიის კურსები. 1958 წლიდან თადარიგში იყო. ნიკოლოზ თავართქილაძე არის ომის თემაზე დაწერილი ნაწარმოებებისა და კინოსცენარების ავტორი. მიღებული აქვს სახელმწიფო ჯილდოები, მათ შორის საბრძოლო ორდენები და მედლები. საბჭოთა არმიის გენერალ-მაიორი (1942).

 წყარო: საქართველო: ენციკლოპედია: ტ.III.–თბ., 2014.-გვ.425

• წითელი ვარსკვლავის ორდენი
• სუვოროვის მეორე ხარისხის ორდენი
• წითელი დროშის ორდენი (3 ორდენი)
• ლენინის ორდენი

• ქართველი მეომრები სტალინგრადის ბრძოლაში (ავტორი). - თბილისი, 1983. - 19გვ.
• სამშობლო და პატრიოტიზმი (ავტორი). - თბილისი, საბჭოთა საქართველო, 1972. - 63გვ.
• ქართველი მეომრები სტალინგრადის დაცვისათვის ბრძოლაში. 30 წლისთავის გამო (ავტორი). - თბილისი, 1972. - 30გვ.
• Были такие дни (ავტორი). - Тбилиси, Мерани, 1971. - 219 с.
• იყო ასეთი დღეები : ნარკვევები (ავტორი) // ნაწ.2. - თბილისი, საბჭოთა საქართველო, 1962. - 257გვ.
• იყო ასეთი დღეები : ნარკვევები (ავტორი) // ნაწ.1. - თბილისი, საბჭოთა საქართველო, 1959. - 211გვ