გიორგი თავაძე

დაბადების ადგილი: ქ. თბილისი.

დაამთავრა საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტი 1990 წელს (რ. სტურუას შემოქმედებითი სახელოსნო); შოთა რუსთაველის სახელობის სახელმწიფო თეატრალური ინსტიტუტის სარეჟისორო ფაკულტეტი (დრამის რეჟისურა; მიხეილ თუმანიშვილის სახელოსნო) 1998 წელს.

1999–2000წწ. იყო შოთა რუსთაველის სახელობის სახელმწიფო აკადემიური თეატრის, ხოლო 2001–2006წწ. ბათუმის ილია ჭავჭავაძის სახელობის სახელმწიფო დრამატული თეატრის რეჟისორი, 2006–2013წწ. თეატრის სამხატვრო ხელმძღვანელი. გიორგი თავაძის დადგმებიდან განსაკუთრებით აღსანიშნავია: რუსთაველის თეატრში: ი. სამსონაძის "იქ სადაც ღვარად მოედინება" და "აღდგომა გაუქმებულ სასაფლაოზე" (ამავე სპექტაკლის დადგმა ბათუმის თეატრში აღინიშნა წლის საუკეთესო რეჟისორის დიპლომით), თ. ჭილაძის "ნახვის დღე" (რ. სტურუასთან ერთად), ქუთაისის ლ. მესხიშვილის სახელობის დრამატულ თეატრში - ვ. სიხარულიძის "გარეუბნის მარტოსახლი", სამეფო უბნის თეატრში (რომლის ერთერთი დამფუძნებელიცაა) - ლ. ბუღაძის "ნუგზარი და მეფისტოფელი", ბათუმის დრამატულ თეატრში – ი. სამსონაძის "საღამოს ბაღში, როგორც სიზმარში", თ. ჭილაძის "ჭალას ჩიტი ჩამკვდარიყო" (ვ. ბერიძესთან ერთად). ბათუმის მუსიკალური ცენტრის ბავშვთა და მოზარდთა საოპერო თეატრში დადგა საოპერო სპექტაკლი ვ. ბელინის "მონტეგები და კაპულეტები". 2023 წელს დაინიშნა ლადო მესხიშვილის სახელობის სახელმწიფო დრამატული თეატრის სამხატვრო ხელმძღვანელის თანამდებობაზე. 

წყარო: საქართველო: ენციკლოპედია: ტ.III.–თბ., 2014.-გვ.426; მოზარდ მაყურებელთა თეატრი: mozardi.ge

• საქართველოს თეატრალური საზოგადოება (2002-)

• 2010 - იუსუფ კობალაძის სახელობის პრემია
• 2010 - კოტე მარჯანიშვილის სახელობის პრემია
  ბათუმის თეატრში წარმატებით განხორციელებული სპექტაკლებისთვის
• 2008 - ლვოვის საერთაშორისო ფესტივალი "ოქროს ლომი"
• 2005 - სანდრო ახმეტელის სახელობის პრემია
  სპექტაკლისათვის "ნუგზარი და მეფისტოფელი"
• კულტურის საერთაშორისო ბაზრობა "კავკასია 2007", საპატიო დიპლომი, რეგიონის საუკეთესო რეჟისორის სერტიფიკატი სპექტაკლისთვის "ნუგზარი და მეფისტოფელი"