გიორგი ქართველიშვილი

დაამთავრა თბილისის სახელმწიფო სამხატვრო აკადემია 1948 წელს.

1954 წლიდან ეწეოდა პედაგოგიურ მოღვაწეობას (1970 წლიდან - პროფესორი); იყო სამხატვრო აკადემიის სასწავლო-შემოქმედებითი სახელოსნოს დაარსების (1957) ერთ-ერთი ინიციატორი და ხელმძღვანელი; ნამუშევრები: რელიეფიური პანო "უხვი მოსავლის ოსტატები" (1953; ქაშანური, სურათების ეროვნული გალერეა), შადრევანი "სამაია" (თანაავტორები ნ. ალექსიძე, თ. ჭყონია, ბრინჯაო, 1958, სკვერი შოთა რუსთაველის სახ. მოედანთან), "ხალხური" (დოქი ჭიქით, 1963), "ჩიტი" (დოქი ფიალით, 1964, ორივე - თიხა, შავკრიალა, კუსკოვის კერამიკის მუზეუმი, მოსკოვი) და სხვა; მხატვარ-კერამიკოსი.

წყარო: თბილისი: ენციკლოპედია.- თბ., 2002. - გვ.883-884

• 1966 - საქართველოს დამსახურებული მხატვარი