ოთარ ქინქლაძე

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1946 წელს.

უნივერსიტეტის დამთავრების შემდგომ იწყებს აქტიურ ორგანიზაციულ, სამეცნიერო-პედაგოგიურ და ჟურნალისტურ საქმიანობას; 1947-1950წწ. იყო თბილისის საქალაქო ორგანიზაციის მდივანი სკოლის დარგში; 1950-1953წწ. ქალაქის ერთ-ერთი რაიონის განათლების განყოფილების გამგე; 1953-1955წწ. გაზეთ "სახალხო განათლების" რედაქტორის მოადგილე; 1955-1960წწ. გაზეთ "მოლოდოი სტალინეცის" რედაქტორი; 1960-1963წწ. მეცნიერების, სკოლებისა და კულტურის განყოფილების გამგის მოადგილე; 1963-1965წწ. საქართველოს კინემატოგრაფიის მინისტრი; 1971-1973წწ. შ. რუსთაველის სახელობის სახელმწიფო აკადემიური თეატრის დირექტორი; 1973-1976წწ. გაზეთ "ზარია ვოსტოკას" მთავარი რედაქტორი; 1976-1986წწ. საქართველოს განათლების მინისტრი; 1986-1991წწ. ჟურნალ "დროშის" მთავარი რედაქტორი; 1991 წლიდან სიცოცხლის ბოლომდე იყო საქართველოს რესპუბლიკის განათლების სამინისტროს კონსულტანტი.

ო. ქინქლაძეს ეკუთვნის მრავალი ფუნდამენტალური ნაშრომი და პუბლიკაცია, რომელთაგანაც აღსანიშნავია: "სოლომონ დოდაშვილის პედაგოგიკური შეხედულებანი", "დედაენის აღმზრდელობითი ფუნქცია", "ქართული პრესის საგანმანათლებლო პროგრამა (XIX საუკუნე)", "ოცნება და სინამდვილე" და სხვა სტატიები თუ მონოგრაფიები, რომლებიც ჰარმონიულად აერთიანებენ პედაგოგიკის თეორიასაც და ისტორიასაც, საშუალო თუ უმაღლესი სკოლის პრობლემებსაც და მმართველობითი მუშაობის ეთიკასა და პედაგოგიკასაც;  ო. ქინქლაძის განათლების მინისტრად მოღვაწეობის პერიოდში დასაბამი მიეცა ქართული სკოლის რეფორმას, დაიწყო განმავითარებელი სწავლების დანერგვის პროცესი, საფუძველი ჩაეყარა სახელმძღვანელოთა შინაარსისა და მეთოდიკის განახლებასა და გაეროვნულებას, სკოლები გადავიდნენ სემესტრულ სწავლებაზე და სხვა. ამ რეფორმატორული, პრაქტიკული საქმიანობის თვალსაჩინოებათა რიცხვს მიეკუთვნებიან იმ დროს გამოქვეყნებული ის სტატიები და პუბლიკაციები, რომლებიც იმჟამად საპროგრამო დოკუმენტის ხასიათს ატარებდნენ და დღესაც დიდი აქტუალობით გამოირჩევიან. მათგან აღსანიშნავია: "ესთეტიკური აღზრდის მსოფლმხედველობრივი ასპექტი", "თანამედროვე გაკვეთილი", "ლექცია", "სემინარული მეცადინეობა", "განათლების შინაარსის პოლიტექნიკური მიმართულება" და სხვა; მის სახელს ატარებს მისი ინიციატივით დაარსებული ბავშვთა და მოზარდთა რესპუბლიკის საცხენოსნო სპორტული სკოლა თბილისში; განათლების სამინისტროს ხელოვნებისა და კვალიფიკაციის ამაღლების ცენტრალური ინსტიტუტის პედაგოგიკის კათედრა (იყო ამ კათედრის პროფესორი), ოზურგეთის რაიონის სოფელ ნატანების საშუალო სკოლა; თბილისში არის ოთარ ქინქლაძის ქუჩა. პედაგოგიკის მეცნიერებათა კანდიდატი (1963), პედაგოგიკის მეცნიერებათა დოქტორი (1969), პროფესორი (1971).

საკანდიდატო დისერტაციის თემა - "გაზეთი "დროება" და აღზრდის საკითხები", დაიცვა 1963 წელს; სადოქტორო დისერტაციის თემა - "ქართული დემოკრატიული პედაგოგიკის ჩამოყალიბება", დაიცვა 1969 წელს.

წყარო: თბილისი: ენციკლოპედია.- თბ., 2002. - გვ.896

• საქართველოს სსრ მე-10 მოწვევის უმაღლესი საბჭო, დეპუტატი (1985-1990)
• საქართველოს სსრ მე-9 მოწვევის უმაღლესი საბჭო, დეპუტატი (1980-1985)

• 2002 - იაკობ გოგებაშვილის სახელობის პრემია (გარდაცვალების შემდეგ)
• 1982 - საქართველოს მეცნიერებათა დამსახურებული მოღვაწე
• 1981 - საპატიო ნიშნის ორდენი
• 1976 - საქართველოს დამსახურებული ჟურნალისტი
• 1961 - საპატიო ნიშნის ორდენი

• მწუხრისა და განკითხვის ჟამი (ავტორი). - თბილისი, საქ. კპ ცკ-ის გამ-ბა, 1990. - 158გვ.
• Педагогика партийной работы (ავტორი). - Тбилиси, Ганатлеба, 1988. - 248с.. - ISBN: 5-505-00594-2
• სკოლა და ხუთწლედი (ავტორი). - თბილისი, განათლება, 1983. - 258გვ.
• ქართული დემოკრატიული პედაგოგიკის ჩამოყალიბება (ავტორი). - თბილისი, განათლება, 1980. - 179გვ.
• Бессмертие книги : стеногр. запись доклада ... посвящен. 100-летию вып. первого изд. "Деда Эна" Я. Гогебашвили (ავტორი). - Тбилиси, 1977. - 19с.
• სახალხო განათლება საბჭოთა საქართველოში, 60 (ავტორი). - თბილისი, 1977. - 31გვ.
• პედაგოგიკა პარტიულ მუშაობაში (ავტორი). - თბილისი, განათლება, 1975. - 138გვ.
• პარტიული ეთიკა (ავტორი). - თბილისი, საქართველოს კპ ცკ-ს გამ-ბა, 1972. - 72გვ.
• История советской педагогики : Краткий очерк (ავტორი). - Тбилиси, Ганатлеба, 1972. - 211с.
• ოცნება და სინამდვილე : ჭაბუკის ფიქრები პროფესიის არჩევისას (ავტორი). - თბილისი, ნაკადული, 1970. - 43გვ.
• ქართული პრესის საგანმანათლებლო პროგრამა : XIX საუკუნე. ზოგადი მიმოხილვა (ავტორი). - თბილისი, განათლება, 1966. - 95გვ.
• "დროება" და აღზრდის საკითხები (ავტორი). - თბილისი, საქ. კპ ცკ-ს გამ-ბა, 1963. - 223გვ.