ბიძინა ფარცვანია

დაბაბადების ადგილი: ქ. სამტრედია.

დაამთავრა საქართველოს ზოოტექნიკურ-სავეტერინარო ინსტიტუტი 1937 წელს.

1938-1952წწ. ამავე ინსტიტუტის ეპიზოლოგიის კათედრის ასისტენტი, უფროსი მასწავლებელი და დოცენტი იყო. 1953 წლიდან განაგებდა ზოოჰიგიენისა და ვეტერინარის საფუძვლების კათედრას. შეისწავლა მსხვილი რქოსანი საქონლის დაავადებები - ხუთილი, ვეზიკალური ქრონიკული ჰემატურია, ლეპტოსპიროზი, ბრადზოტი, ბატკნის დიზენტერია, ენტეროტოქსემია. პერფრინგენსის ჯგუფის მიკრობთა ბიოლოგიური და ანტიგენური თვისებების გამოკვლევის შედეგად მოამზადა ცხვრის ბრადზოტის, ენტეროტოქსემიისა და ბატკნის დიზენტერიის საწინააღმდეგო ვაქცინა. ეკუთვნის 3 სახელმძღვანელო და მრავალი სამეცნიერო შრომა. ვეტერინარი ექიმი, ვეტერინარიის მეცნიერებათა დოქტორი (1971), პროფესორი (1972). 

წყარო: ქართული საბჭოთა ენციკლოპედია: ტ.10-თბ., 1986.-გვ.235

• 1983 - საქართველოს მეცნიერებათა დამსახურებული მოღვაწე

• ცხოველთა დახურული სადგომების მიკროკლიმატი და მისი ოპტიმიზაცია (ავტორი). - თბილისი, სსს-ის სტ, 1990. - 90გვ.
• მსხვილფეხა რქიანი პირუტყვის ტუბერკულოზი და მასთან ბრძოლა (ავტორი). - თბილისი, სსს-ის სტ, 1982. - 42გვ.