რუბენ თავაძე

დაბადების ადგილი: სოფელი ზემო ხეთი, ჩოხატაურის რაიონი.

1924-1929 წლებში სწავლობდა თბილისის სამხატვრო აკადემიაში, 1934 წლიდან ლენინგრადის ფერწერის, ქანდაკებისა და არქიტექტურის ინსტიტუტში.

პედაგოგიურ მოღვაწეობას ეწეოდა თბილისის სამხატვრო აკადემიაში. მონაწილეობდა II მსოფლიო ომში. დაიღუპა ქერჩის მისადგომებთან. ძირითადი ნამუშევრები: კომპოზიტორი ზ. ფალიაშვილი (1938, თაბაშირი, თბილისის კონსერვატორიის დიდი საკონცერტო დარბაზის ფოიე), ა. წულუკიძე (ქვა, 1935, ქუთაისი), ბ. ძნელაძე (ბრინჯაო, 1930, ალექსანდრეს ბაღი, ახლანდელი ლეონიძის სახელობის ბაღი - კ. მერაბიშვილთან ერთად, თბილისი, ამჟამად აღებულია). რუბენ თავაძის სხვა ნამუშევრები ინახება შ. ამირანაშვილის სახელობის ხელოვნების მუზეუმში.

წყარო: საქართველო: ენციკლოპედია: ტ.III.–თბ., 2014.-გვ.428

• საქართველოს მხატვართა კავშირი, თავმჯდომარე (1938-1940)