შალვა თავაძე

დაბადების ადგილი: სოფელი ზემო ხეთი, ჩოხატაურის რაიონი.

1925–1928 წლებში სწავლობდა თბილისი სახელმწიფო სამხატვრო აკადემიაში, ხოლო შემდეგ მოსკოვის უმაღლეს არქიტექტურულ-სამშენებლო ინსტიტუტში, რომელიც დაამთავრა 1931 წელს.

1931–1941 წლებში ხელმძღვანელობდა საქართველოს სახალხო კომისართა საბჭოს ხელოვნების სამმართველოსთან არსებულ საპროექტო სახელოსნოს. 1956–1960 წლებში იყო საქართველოს კულტურის სამინისტროს საპროექტო განყოფილების მთავარი არქიტექტორი. ძირითადი ნამუშევრები: თბილისის სახელმწიფო კონსერვატორიის შენობის რეკონსტრუქცია და დაშენება (1938–1941); სახელმწიფო დრამატული თეატრი ქუთაისში (1955, არქიტ. მ. შავიშვილთან ერთად); სახელმწიფო დრამატული თეატრი გორში (1938, არქიტ. მ. ჩხიკვაძესთან ერთად); კინოთეატრები: ქუთაისში (1957), ზუგდიდსა (1957) და ფოთში (1958). 1936-1941 წლებში პედაგოგიურ მოღვაწეობას თბილისის სახელმწიფო სამხატვრო აკადემიაში. 1934 წელს საქართველოს არქიტექტორთა კავშირის დამფუძნებელ ყრილობაზე აირჩიეს გამგეობის პასუხისმგებელ მდივნად. იყო რეპრესირებული.

წყარო: საქართველო: ენციკლოპედია: ტ.III.–თბ., 2014.-გვ.429

• საქართველოს დამსახურებული ინჟინერი (1961-)