სეით კაპანაძე

დაბადების ადგილი: სოფელი მეორე სვირი, ზესტაფონის რაიონი.

სწავლობდა ბათუმის სამხედრო- საზღვაო სასწავლებელში 1921-1923 წლებში, ხოლო  შემდეგ სწავლა განაგრძო (1923-1926)  ლენინგრადის მ. ფრუნზეს სახ. სახედრო-საზღვაო სასწავლებელში.

დიდი სამამულო ომის დაწყებისთანავე (1941) ს. კაპანაძე დაინიშნა 77-ე  საზღვაო-ქვეითი ბრიგადის მეთაურად, 1944 წელს I-ლი გამანადგურებული საზღვაო ბრიგადის მეთაურად. მონაწილეობდა იაპონიის წინააღმდეგ ბრძოლებში. 1945-1946 წლებში მსახურობდა წყნარი ოკიანის ფლოტში, 1948 წელს დაამთავრა ლენინგრადის სამხედრო-საზღვაო აკადემია, 1951-1953 წლებში ს. კაპანაძე სწავლობდა გენერალური შტაბის აკადემიაში. საბჭოთა კავშირის კონტრ-ადმირალი.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 376

• სკკპ, წევრი (1926-)

• ნახიმოვის II ხარისხის ორდენი
• წითელი დროშის ორდენი
• ლენინის ორდენი