თინათინ ქუთათელაძე

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტი არქიტექტურის სპეციალობით 1932 წელს.

1933 წლიდან მუშაობდა "კვებპროექტში", "ახალმშენის" სამშენებლო ტრესტის სამუშაოთა მწარმოებლად, "თბილმშენის" სამშენებლო ტრესტის კანტორის უფროსად; სსრკ-გერმანიის ომამდე იყო თბილისის საავიაციო ქარხნის მშენებლობის ჯერ სამშენებლო უბნის უფროსი, შემდეგ კი საწარმოო-ტექნოლოგიური განყოფილების ხელმძღვანელი; 1944-1947წწ. ტრესტ "თბილმშენის" მთავარი ინჟინერი და მმართველის პირველი მოადგილე; 1947-1951წწ. მუშაობდა თბილისის სტალინის სახელობის რაისაბჭოს აღმასკომის თავმჯდომარედ; 1951-1952წწ. მსუბუქი მრეწველობის მინისტრის მოადგილედ მშენებლობის დარგში; თბილისის პარტიის საქალაქო კომიტეტში ხელმძღვანელობდა მშენებლობისა და საქალაქო მეურნეობის განყოფილებას; 1953-1958წწ. იყო თბილისის მშრომელთა დეპუტატების საქალაქო საბჭოს აღმასკომის თავმჯდომარის მოადგილე; 1958 წლიდან  საქართველოს მშენებლობის სახელმწიფო კომიტეტის თავმჯდომარის პირველი მოადგილე; მიღებული აქვს სახელმწიფო ჯილდოები; ერთ-ერთი პირველი ქართველი ინჟინერ-მშენებელი ქალი. მიღებული აქვს სსრკ მინისტრთა საბჭოს პრემია (1982).

წყარო: თბილისი: ენციკლოპედია.- თბ., 2002. - გვ.900; საქართველოს არქიტექტორთა და მშენებელთა ენციკლოპედია. - თბ., 2017.-გვ.574-575; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.270

• 1995 - ღირსების ორდენი
• 1987 - საქართველოს სახელმწიფო პრემია, მეცნიერებისა და ტექნიკის დარგში
• 1960 - საქართველოს დამსახურებული ინჟინერი