ვახტანგ მეგრელიშვილი

დაბადების ადგილი: სოფელი ღანირი, სამტრედიის რაიონი.

1936-1938 წწ. მუშაობდა საქართველოს მუშა ახალგაზრდობის თეატრში. 1938 წლიდან ქუთაისის ლ. მესხიშვილის სახელობის თეატრის მსახიობია. შესრულებული აქვს სხვადასხვა ხასიათის როლები: გიორგი სააკაძე (ს. შანშიაშვილის "გიორგი სააკაძე"), ლევან ხიმშიაშვილი (დ. ერისთავის "სამშობლო"), ჩონთა (ვაჟა-ფშაველას "მოკვთილი"), სიმონი (რ. თაბუკაშვილის "რაიკომის მდივანი"), გიორგი სიხარულიძე (თ. ჭილაძის "სურათები საოჯახო ალბომიდან"), ოთარ-ბეგი (ა. სუმბათაშვილის "ღალატი"), ოტელო (უ. შექსპირის "ოტელო") და სხვა. მან შექმნა განსხვავებული პერსონაჟების პანორამა. ყოველი მათგანი ავტორის მდიდარ სამსახიობო უნარს, ტემპერამენტს, სცენურ მომხიბვლელობასა და უშუალობას ეფუძნებოდა.

წყარო: ქართული საბჭოთა ენციკლოპედია: ტ. 6.-თბ., 1983.-გვ.536; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.36; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 652

• 1997 - ღირსების ორდენი
• 1965 - საქართველოს სახალხო არტისტი
• ქუთაისის საპატიო მოქალაქე