ლეო კასლანდია

დაბადების ადგილ: სოფელი კუტოლი, ოჩამჩირის რაიონი.

სწავლობდა სოხუმის თეატრალურ სტუდიაში 1929-1933 წლებში.

1931 წლიდან სოხუმის თეატრის აფხაზური დასის მსახიობია. მის მიერ შესრულებული როლებიდან აღსანიშნავია: ოტელო (უ. შექსპირის "ოტელო"), დაური (დ. გულიას "გმირის კლდე"), გიორგი (ვ. გაბესკირიას "სამი მეგობარი"), ჯემალი (ი. მოსაშვილის "ჩაძირული ქვები"), თარაში (გ. გაბუნიას "მზის ამოსვლის წინ"), მაცი (ს. ჭანბას "კერაზი"), მოხუცი (მ. კოვეს "კეხხაჯარათი"), კომისარი და კონტრადმირალი (ა. კორნეიჩუკის "ესკადრის დაღუპვა"), განდეგილი რაში (ს. ჭანბას "ახმაჯირი"), ბაროვსკი (ბ. ლავრენიოვის "ვინც ზღვაშია") კაკუტა (პ. კაკაბაძის "ყვარყვარე თუთაბერი"), უჩა (ვ. პატარაიას "უჩა უჩრდია"), შაბატი (ბ. შინკუბას "კლდის სიმღერა"), მეფე (ე. შვარცის "შიშველი მეფე"), მუროვი (ა. ოსტროვსკის "უდანაშაულო დამნაშვენი"). არდაშელი (ა. ლასურიას "სპეტაკი სიყვარული"), რაული (გ. მდივანის "კეთილი ნების ადამიანები"), რეჯებ ბეი (ნ. ჰიქმეთის "ახირებული"), იაკობი (ქ. აგუმას "დიდი მიწა") და სხვ. მისი შემოქმედება გამოირჩეოდა ფართო დიაპაზონით; ერთნაირი სიძლიერით ქმნიდა დრამატულ, სახასიათო და კომედიურ სახეებს; მისი სცენური გმირები სხვადასხვა ეროვნების, მსოფლშეგრძნებისა და სრულიად განსხვავებული ხასიათის ადამიანები იყვნენ, გამოირჩეოდნენ სულიერი სიძლიერით, ჰუმანურობით, სამართლიაბისთვის ბრძოლის სულისკვეთებით და მიზნისაკენ დაუოკებელი ლტოლვით.

წყარო: ქართული საბჭოთა ენციკლოპედია: ტ.5.- თბ., 1980.- გვ. 425; ლეუარსან კასლანძია : აფხაზი მსახიობის ცხოვრება და მოღვაწეობა /ალექსა არგუნი. - თბ., 1970. - 37გვ.; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 1954 - საქართველოს სახალხო არტისტი
• აფხაზეთის ასსრ სახალხო არტისტი