ვლადიმერ ქურთიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1960 წელს.

ნამუშევრები: თბილისში - ნ. ბარათაშვილის ხიდი (1965; შ. ყავლაშვილთან ერთად, ინჟ. გ. ქარცივაძე), ახალგაზრდობის მეგობრობის მემორიალი (1981; ვ. ბახტაძესთან, ლ. ბოკერიასთან და ვ. ცინცაძესთან ერთად; საქართველოს კომკავშირის პრემია, 1982); ამიერკავკასიის სამხედრო ოლქის მხედრული დიდების მუზეუმი (1981; ე. კვერნაძესთან ერთად) წითელ ხიდთან; "ნია-გრუზინსკაიას" პროექტი და მშენებლობა (1970-1980-იანი წლები ვ. ბახტაძესთან და ლ. ბოკერიასთან ერთად, სსრკ მინისტრთა საბჭოს პრემია, 1982); კ. მარჯანიშვილის ქუჩის რეკონსტრუქცია; საქართველოს ხელოვნების მუზეუმის ახალი კორპუსი თბილისში, ლ. გუდიაშვილის ქუჩის რეკონსტრუქცია; უნივერმაღი "ბავშვთა სამყარო" თბილისში (ჯგუფთან ერთად), მრავალ რესპუბლიკურ და საკავშირო კონკურსში გამარჯვებული; მიღებული აქვს სახელმწიფო ჯილდოები.

წყარო: თბილისი: ენციკლოპედია.- თბ., 2002. - გვ.903; საქართველოს არქიტექტორთა და მშენებელთა ენციკლოპედია. - თბ., 2017.-გვ.579-580

• არქიტექტურის საერთაშორისო აკადემია, წევრ-კორესპონდენტი (1992-)

• 1979 - საქართველოს დამსახურებული არქიტექტორი
• ხალხთა მეგობრობის ორდენი