გაბრიელ ღამბარაშვილი

დაბადების ადგილი: ქ. გორი, ტფილისის გუბერნია.

დაამთავრა ბერლინის უნივერსიტეტის სამედიცინო ფაკულტეტი 1907 წელს.

სტუდენტობის პერიოდში გერმანულ ენაზე გამოაქვეყნა 2 მეცნიერული გამოკვლევა აორტის ანევრიზმისა და ღვიძლის სიდეროზის შესახებ; 1912-1917წწ. იყო მოსკოვის უნივერსიტეტის მეანობა-გინეკლოგიის კათედრის პრივატ-დოცენტი; 1917-1920წწ. ამავე კათედრის პროფესორი, ერთდროულად მუშაობდა მოროზოვის სახელობის სიმსივნეების ინსტიტუტში; მოსკოვში მუშაობის პერიოდში მისი თაოსნობით ქართულ ენაზე იბეჭდებოდა სამედიცინო-საგანმანათლებლო ლიტერატურა; 1920-1954წწ. განაგებდა თბილისის სახელმწიფო უნივერსიტეტის სამკურნალო ფაკულტეტის (1930-იდან - თბილისის სამედიცინო ინსტიტუტი) მეანობა-გინეკოლოგიის კათედრას; საქართველოში დანერგა მრავალი გინეკოლოგიური ოპერაცია; შეიმუშავა ხელოვნური საშოს შექმნის მეთოდი; შეისწავლა რენტგენო და რადიოთერაპიის, ონკოლოგიის, ჰორმონოთერაპიის და სხვა საკითხებს; ქართულ ენაზე შეადგინა გინეკოლოგიის სახელმძღვანელო (1941); წლების მანძილზე იყო საქართველოს მეან-გინეკოლოგთა სამეცნიერო საზოგადოების თავმჯდომარე; მიღებული აქვს სახელმწიფო ჯილდოები; მეან-გინეკოლოგი, თეორიული და პრაქტიკული მეან-გინეკოლოგიის ერთ-ერთი დამფუძნებელი საქართველოში; მედიცინის მეცნიერებათა დოქტორი (1912), პროფესორი (1917).

წყარო: თბილისი: ენციკლოპედია.- თბ., 2002. - გვ.904

• 1941 - საქართველოს მეცნიერებათა დამსახურებული მოღვაწე

• ავთვისებიანი სიმსივნეების ეთიოლოგია (ავტორი). - ტფილისი, შრომა, 1930. - 80გვ.
• წამლობის წესის ამორჩევისათვის საშვილოსნოს ფიბრომიომის დროს (ავტორი). - ტფილისი, 1929. - გვ.248-275