ბუდუ ფაჩულია

დაბადების ადგილი: ქ. ოჩამჩირე.

დაამთავრა თბილისის რკინიგზის ტრანსპორტის ინჟინერთა ინსტიტუტის ხიდებისა და გვირაბების მშენებლობის ფაკულტეტი 1948 წელს. 

1948-1949წწ. მუშაობდა ხელმძღვანელ თანამდებობებზე შავი ზღვის სანაპიროზე სარკინიგზო გვირაბების, 1949-1951წწ. ზესტაფონ-ჭიათურის ფართოლიანდაგიანი რკინიგზის, 1952-1956წწ. და 1961-1978წწ. თბილისის მეტროპოლიტენის, 1957-1961წწ. ყირიმის მიწისქვეშა ნაგებობათა, 1979-1981წწ. ქ. სოფიის (ბულგარეთი) მეტროპოლიტენის მშენებლობაზე. 1981 წლიდან თბილისის მეტროპოლიტენის მშენებლობის მთავარი ინჟინერი, ინჟინერ-მშენებელი. მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.243; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.89

• სკკპ, წევრი (1953-)

• 2000 - ღირსების ორდენი
• 1973 - საქართველოს სახელმწიფო პრემია
• 1971 - საქართველოს დამსახურებული ინჟინერი
• ლენინის ორდენი