გერასიმე ფირცხალავა

დაბადების ადგილი: სოფელი მათხოჯი, ხონის რაიონი.

დაამთავრა ვორონეჟის პედაგოგიური ინსტიტუტი 1938 წელს, სკკპ ცკ-თან არსებული საზოგადოებრივ მეცნიერებათა აკაკადემია 1955 წელს.

გაზეთ "ახალგაზრდა კომუნისტის" რედაქტორი (1941 და 1945-1948), სოხუმის პედაგოგიის ინსტიტუტის მარქსიზმ-ლენინიზმის საფუძვლების კათედრის გამგე (1941-1944), საქართველოს კპ ცკ-ის აგიტაციისა და პროპაგანდის განყოფილების გამგე (1952-1953), გაზეთ "კომუნისტის" რედაქტორი (1955-1957), 1966 წლიდან თბილისის სახელმწიფო უნივერსიტეტის სკკპ ისტორიის კათედრის გამგე. ეკუთვნის მრავალი ნაშრომი სკკპ თეორიისა და ისტორიის, პარტიის მშენებლობის თეორიისა და პრაქტიკის საკითხებზე. რამდენჯერმე იყო არჩეული საქართველოს კპ ცკ-ის შემადგენლობაში, ხოლო 1965-1976 იყო საქართველოს კპ სარევიზიო კომისიის თავჯდომარე. ისტორიის მეცნიერებათა დოქტორი (1969), პროფესორი (1971). მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.332; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.120

• სკკპ, წევრი (1940-)

• 1997 - ღირსების ორდენი
• 1983 - საქართველოს მეცნიერებათა დამსახურებული მოღვაწე
• საპატიო ნიშნის ორდენი (3 ორდენი)

• სკკპ XXVII ყრილობა და პარტიულ-ორგანიზაციული მუშაობის ზოგიერთი საკითხი (ავტორი). - თბილისი, საბჭ. საქართველო, 1987. - 90გვ.
• სკკპ XXIV ყრილობის გადაწყვეტილებები-კომუნისტური მშენებლობის დიდებული პროგრამა (ავტორი). - თბილისი, საქართველოს კპ ცკ-ის გამ-ბა, 1972. - 99გვ.
• კადრების შერჩევა, განაწილება და აღზრდა პარტიული მშენებლობის მნიშვნელოვანი უბანია (ავტორი). - თბილისი, საქ. კპ ცკ-ის გამ-ბა, 1969. - 66გვ.
• საბჭოთა კავშირის კომუნისტური პარტიის XXIII ყრილობა (ავტორი). - თბილისი, საბჭ. საქართველო, 1966. - 44გვ.
• სოციალიზმის იდეების დიადი მიმზიდველი ძალა (ავტორი). - თბილისი, საბჭ. საქართველო, 1963. - 165გვ.