ზაქარია ყანჩაველი

დაამთავრა ხარკოვის უნივერსიტეტის ფიზიკა-მათემატიკის ფაკულტეტის საბუნებისმეტყველო განყოფილება 1915 წელს.

1915-1917წწ. მუშაობდა ბოტანიკურ ბაღში და ხელმძღვანელობდა შავი ზღვის და თბილისის გუბერნიებში სამკურნალო მცენარეთა შემსწავლელ ორგანიზაციას; 1917 წლიდან თბილისის პოლიტექნიკური ინსტიტუტის ბოტანიკის კათედრაზე იყო, 1918 წლიდან - თსუ-ში, 1922-1932წწ. - უნივერსიტეტის ბოტანიკის კათედრის გამგე; შეთავსებით განაგებდა თბილისის ბოტანიკური ბაღის ფლორისტულ კაბინეტს, ხოლო შემდეგ (გარდაცვალებამდე) მისი დირექტორი იყო; ბოტანიკის კათედრები ჩამოაყალიბა სასოფლო-სამეურნეო, სამედიცინო და პედაგოგიურ ინსტიტუტებში; დიდი ღვაწლი მიუძღვის ქართველ ბოტანიკოსთა კათედრის აღზრდაში; დაამუშავა ქართული ბოტანიკური ტერმინოლოგია; 1919 წელს გამოსცა (პირველად ქართულ ენაზე) გვიმრანაირ და ყვავილოვან მცენარეთა სარკვევი; 1927 წლიდან პირველი ქართული სახელმძღვანელო 2 ტომად; ბოტანიკოსი, სისტემატიკოს-ფლორისტი, ბოტანიკური მეცნიერების ერთ-ერთი ფუძემდებელი საქართველოში; პირველი ქართველი დოქტორი ბოტანიკის დარგში; პროფესორი (1924).

წყარო: თბილისი: ენციკლოპედია.- თბ., 2002. - გვ.908

• გვარ Campanula-ს ახალი სახე კახეთიდან და ახალი ცნობები ზოგიერთ მცენარეთა კავკასიაში გავრცელების შესახებ (ავტორი). - ტფილისი, 1930. - 10გვ.
• ყვავილოვან მცენარეთა რკვევის დროს სახმარებელი რვეული (ავტორი). - ტფილისი, ტფ. უნ-ტის გა-მა, 1929. - 32გვ.
• ბოტანიკა: ბოტანიკის სახელმძღვანელოები უმაღლესი სასწავლებლებისათვის : უმაღლესი სასწავლებლის კურსი (ავტორი) // ნაწ. 1 : ზოგადი ნაწილი. - ტფილისი, სახელგამი, 1927. - 367გვ.
• ბოტანიკა:ბოტანიკის სახელმძღვანელოები უმაღლესი სასწავლებლებისათვის : უმაღლესი სასწავლებლის კურსი (ავტორი) // ნაწ. 2 : მცენარეთა სისტემატიკა. - ტფილისი, სახელგამი, 1927. - 244გვ.