იური ცხომელიძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1948 წელს(ვიოლინო).

1941–1951წწ. იყო საქართველოს ფილარმონიის სოლისტი, პარალელურად 1941–1956წწ. საქართველოს სიმფონიური ორკესტრის ორკესტრანტი; 1949–1951წწ. აფხაზეთის ფილარმონიის სოლისტი; მუსიკალური სასწავლებლისა და სკოლის პედაგოგი; 1977–1981წწ. ზ. ფალიაშვილის სახელობის თბილისის ოპერისა და ბალეტის თეატრის ორკესტრის ორკესტრანტი(I ვიოლინო); 1961–1976წწ. თბილისის პედაგოგიური ინსტიტუტის მუსიკალური კათედრის პედაგოგი; 1977 წლიდან თბილისის N14 მუსიკალური სკოლის პედაგოგი, ვანო სარაჯიშვილის სახელობის თბილისის სახელმწიფო კონსერვატორიის პედაგოგი; 1958 წელს მოსკოვში ქართული ხელოვნების დეკადის მონაწილე; ქართული რეპერტუარი: ე. ექსანიშვილი სიმებიანი კვარტეტი N1(1944), სავიოლინო სონატა(1981), მ. დავითაშვილი პოემა(1954), ტ. ბაქრაძე სავიოლინო რონდო–სონატა(1958, პირველი შესრულება), საფორტეპიანო ტრიო N2(1972, პირველი შესრულება), დ. ჩხეიძე კონცერტი N1(1974), 4 სავიოლინო პიესა(1980), ვ. კურტიდი კონცერტი N2(1974), კონცერტი N3(1979), კონცერტი N4(1979); სხვა რეპერტუარი: სვენსენი "რომანსი" ვიოლინოსა და ორკესტრისათვის, იუზო ტოიამა კონცერტი(ორივე პირველი შესრულება საქართველოში); მევიოლინე, საქართველოს სახელმწიფო საფორტეპიანო ტრიოს წევრი(I ვიოლინო).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 551