გუგული ყიფიანი

დაამთავრა ბათუმის ჰუმანიტარული ტექნიკუმი 1925 წელს; თბილისის სამშენებლო ინსტიტუტის არასრული კურსი 1950 წელს.

1926-1944წწ. მუშაობდა თბილისის შოთა რუსთაველის სახ. სახელმწიფო აკადემიური თეატრის ადმინისტრატორად, შემდეგ მთავარ ადმინისტრატორად; 1944-1955წწ.  თბილისის ოპერისა და ბალეტის სახელმწიფო აკადემიური თეატრის დირექტორის მოადგილედ, სადაც თავი გამოიჩინა როგორც შესანიშნავმა ორგანიზატორმა; 1955-1977წწ. საქართველოს სახელმწიფო ფილარმონიის გენერალური დირექტორი და სამხატვრო ხელმძღვანელი; მის სახელს უკავშირდება საქართველოს ფილარმონიის ამ პერიოდის დიდი შემოქმედებითი მიღწევები; იყო გამოჩენილი იმპრესარიო; მისი მონდომებით ქართული მუსიკალურ-ქორეოგრაფიული კულტურა გავიდა საზღვარგარეთ, გაიცნო მთელმა მსოფლიომ; 1977 წლიდან მუშაობდა საქართველოს ხალხური სიმღერისა და ცეკვის სახელმწიფო ანსამბლის დირექტორად; იყო ქართული კულტურის დიდი მოამაგე; მრავალმხრივი მოღვაწე, კოლორიტული პიროვნება, კულტურის მუშაკი, იმპრესარიო.

წყარო: თბილისი: ენციკლოპედია.- თბ., 2002. - გვ.912

• 1955 - საქართველოს ხელოვნების დამსახურებული მოღვაწე