მელქისედეკი (გელათის ეპისკოპოსი)

პირველი გელათელი - გელათის ეპისკოპოსი მიტროპოლიტის წოდებით; იყო იმერეთის მეფის ბაგრატ III-ის (1510-1565) პოლიტიკური თანამებრძოლი დასავლეთ საქართველოს ერთ სამეფოდ გაერთიანებისთვის. მან თავისი სახსრებით გააკეთებინა გელათის ღვთისმშობლის ეკლესიაში ქვის კანკელი, საკურთხეველში მღვდელმთავართა საჯდომი - "საყდარი" და სამკვეთლოში ქვის მაგიდა- "ტრაპეზი". ამ ტაძრის კედლებზე შემონახულია მისი მოღვაწეობის ამსახველი წარწერები და მისი პორტრეტული გამოსახულება. 

წყარო: ქართული საბჭოთა ენციკლოპედია: ტ. 6.-თბ., 1983.-გვ.561