ვალოდია ყუფარაძე

დაამთავრა თბილისის ოპერისა და ბალეტის სახელმწიფო თეატრთან არსებული ქორეოგრაფიული სტუდია (ხელმძღვანელი ი. სუხიშვილი).

1939-1940წწ. მუშაობდა მოსკოვის ა. ალექსანდროვის სახ. საბჭოთა არმიის სიმღერისა და ცეკვის ანსამბლში (ასრულებდა ქართულ ცეკვებს);1940-1941წწ. - საკავშირო შინაგან საქმეთა სახ. კომისარიატის სიმღერისა და ცეკვის ანსამბლში (ხელმძღვანელი ზ. დუნაევსკი); 1942 -1949წწ. მუშაობდა თბილისის ოპერისა და ბალეტის სახელმწიფო თეატრში, ცეკვავდა ქართულ ცეკვებს ქართულ ოპერებში, აგრეთვე ბალეტებში (ა. ბალანჩივაძის "მთების გული" და გ. კილაძის "სინათლე"); 1945-1967წწ. ცეკვავდა საქართველოს სიმღერისა და ცეკვის სახელმწიფო აკადემიურ დამსახურებულ ანსამბლში (ხელმძღვანელები ნ. რამიშვილი და ი. სუხიშვილი, ახლანდელი "ქართული ნაციონალური ბალეტი"); მაღალი ოსტატობით შეასრულა მრავალი სოლო პარტია ანსამბლის რეპერტუარიდან, თვალსაჩინო წვლილი შეიტანა ანსამბლის შემოქმედებით წარმატებებში; 1967 წლიდან განაგებდა ანსამბლის სამხატვრო-სადადგმო ნაწილს; მოცეკვავე.

წყარო: თბილისი: ენციკლოპედია.- თბ., 2002. - გვ.914-915

• 1967 - საქართველოს სახალხო არტისტი
• 1953 - ახალგაზრდობისა და სტუდენტთა IV საერთაშორისო ფესტივალი, ლაურეატი (ბუქარესტი)
• რუმინეთის სახელმწიფო ორდენი "წითელი ვარსკვლავი"