ფარნა ლომაშვილი

დაიბადების ადგილი: დაბა თიანეთი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1953 წელს.

1953-1956წწ. სწავლობდა თბილისის სახელმწიფო უნივერსიტეტის ასპირანტურაში; სხვადასხვა დროს მუშაობდა საქართველოს მეცნიერებათა აკადემიის ისტორიის ინსტიტუტში, მარქსიზმ-ლენინიზმის ინსტიტუტის საქართველოს ფილიალში, თბილისის სამხატვრო აკადემიაში, ხალხთა მეგობრობის მუზეუმში, ეროვნულ ურთიერთობათა ინსტიტუტში, საქართველოს პოლიტექნიკურ უნივერსიტეტში, თბილისის დიპლომატიურ აკადემიაში, თბილისის ჰუმანიტარულ ინსტიტუტ "გაენათში", თბილისის სასულიერო აკადემიაში, ხარაგაულის, დუშეთის, საგარეჯოს კერძო უმაღლეს სასწავლებლებში. 1973-2004წწ. იყო ა. ს. პუშკინის სახელობის, შემდეგ სულხან-საბა ორბელიანის სახელობის პედაგოგიური უნივერსიტეტის სსრ კავშირის ხალხთა ისტორიის, კავკასიის ხალხთა ისტორიისა და საქართველოს ისტორიის კათედრის გამგე, აგრეთვე ისტორიის კვლევისა და სწავლების მეთოდიკის ლაბორატორიის ხელმძღვანელი; მრავალი წლის მანძილზე იყო მარქსიზმ-ლენინიზმის ინსტიტუტის საქართველოს ფილიალის, საქართველოს მეცნიერებათა აკადემიის ივანე ჯავახიშვილის სახელობის ისტორიისა და ეთნოლოგიის სადისერტაციო საბჭოების წევრი, ხელმძღვანელობდა ასპირანტთა, დოქტორანტთა და სამეცნიერო ხარისხის მაძიებელთა მუშაობას. აქტიურად მონაწილეობდა საუნივერსიტეტო, რესპუბლიკურ და საერთაშორისო კონფერენციებსა და სიმპოზიუმებში. იკვლევდა საქართველოს ახალი და უახლესი ისტორიის პრობლემებს. გამოქვეყნებული ჰქონდა 260 -ზე მეტი სამეცნიერო ნაშრომი; მათ შორის 23 მონოგრაფია, 12 სასკოლო სახელმძღვანელო. ისტორიის მეცნიერებათა კანდიდატი (1971), ისტორიის მეცნიერებათა დოქტორი (1973), პროფესორი.

• 2002 - ივანე ჯავახიშვილის სახელობის პრემია
• 2000 - ღირსების ორდენი
• 1997 - ღირსების მედალი

• საქართველოს ისტორია (1918-1985) : მე-11 კლასის სახელმძღვანელო (ავტორი). - თბილისი, განათლება, 1995. - 272 გვ.
• დიადი გამარჯვება : დიდი სამამულო ომი (ავტორი). - თბილისი, განათლება, 1985. - 200გვ.
• საქართველოს სოფლის მეურნეობის სოციალისტური გარდაქმნის ისტორიოგრაფია (ავტორი). - თბილისი, საბჭ. საქართველო, 1976. - 181გვ.
• გიორგი სტურუა : ბიოგრაფიული ნარკვევი (ავტორი). - თბილისი, საბჭოთა საქართველო, 1966. - 110გვ.
• ქართული ემიგრაციის ისტორიიდან . - თბილისი, უცხოეთში მცხოვრებ თანამემამულეებთან კულტურული კავშირის საქართველოს საზ-ბა, 1965. - 130გვ.