მიხეილ ძიძიშვილი

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტი 1924 წელს(ფილოსოფიური), თბილისის სახელმწიფო კონსერვატორია 1928 წელს(სავიოლინო).

1925–1936წწ. იყო თბილისის შოთა რუსთაველის სახელობის თეატრის ორკესტრის მუსიკოსი(ვიოლინო); 1926–1929წწ. საქართველოს სიმებიანი კვარტეტის წევრი(ვიოლინო); 1936–1941წწ. სწავლობდა მოსკოვის კონსერვატორიაში, პედაგოგი ლ. ტ. გინზბურგი(დირიჟორობა); 1942–1947წწ. იყო თბილისის სხვადასხვა მუსიკალური სკოლების მოსწავლეთა ორკესტრის დირიჟორი; 1943–1951წწ. თბილისის "ნიჭიერთა ათწლედის" კამერული ანსამბლის პედაგოგი; 1946–1947წწ. ზ. ფალიაშვილის სახელობის თბილისის ოპერისა და ბალეტის თეატრის დირიჟორი; 1948–1954წწ. საქართველოს სახელმწიფო სიმფონიური ორკესტრის დირიჟორი; 1954–1956წწ. საქართველოს რადიოს სიმფონიური ორკესტრის დირიჟორი; 1944–1975წწ. იყო ვანო სარაჯიშვილის სახელობის თბილისის სახელმწიფო კონსერვატორიის საგუნდო–სადირიჟორო ფაკულტეტის პედაგოგი, სტუდენტთა ორკესტრის დირიჟორი, 1957 წლიდან დოცენტი, 1976 წლიდან პროფესორი; თანამშრომლობდა: ელიზავეტა გილელსი, ე. გრაჩი, ა. ვირსალაძე, ა. იოხელესი, მ. იუდინა, ს. კუსევიცკი, პ. ლისიციანი, ე. რუსიშვილი, რ. ტამარკინა; ქართული რეპერტუარი, სიმფონიური პოემები: მ. ბერიკაშვილი "მთებში"(1957), ნ. გუდიაშვილი სიმფონია; სხვა რეპერტუარი: ბეთჰოვენი სიმფონიები N4, 8, უვერტიურა "ეგმონტი", "კორიოლანოსი", საფორტეპიანო კონცერტი N5, მოცარტი სიმფონია Es Dur, შუბერტი სიმფონია N5, მენდელსონი სიმფონია N4, ჩაიკოვსკი სიმფონია N4, გლინკა "არაგონული ხოტა", ინსტრუმენტული კონცერტები: ვენიავსკი სავიოლინო d moll, ბრუხი, მოცარტი, მენდელსონი; მევიოლინე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ.553

• 1965 - საქართველოს ხელოვნების დამსახურებული მოღვაწე