ლიპარიტ ორბელი

XIII საუკუნის I ნახევრის საქართველოს სახელმწიფო მოღვაწე. შთამომავალი იყო იმ ორბელისა, რომლებიც გიორგი III წინააღმდეგ მოწყობილი აჯანყების დამარცხების შემდეგ საქართველოდან გადაიხვეწნენ. მამის სიკვდილის შემდეგ მცირეწლოვანი ლიპარიტი 10 წლით მძევლად იყო ნახიჭევანში. 1206 წელს თამარ მეფის ნებით მხარგრძლებმა ჩამოიყვანეს საქართველოში. ლაშას მეფობაში ლიპარიტი დაადგინეს სივნიეთის ერისთავად და იგი მხარგრძელთა სახლის ყმად იქცა. მართალია, სტეფანოს ორბელიანის ცნობით, ორბელის წინაპართა ქონებიდან არაფერი დაუბრუნეს, მაგრამ სანაცვლოდ მრავალი სოფელი და ციხე მისცეს საქართველოს სახელმწიფოში შემაველ სომხეთის ტერიტორიაზე. გარდაიცვალა მონღოლების შემოსევის წინ.

წყარო: ქართული საბჭოთა ენციკლოპედია, ტ. 7.- თბ., 1984.-გვ. 555