ოტია კახაძე

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის კავკასიურ ენათა განყოფილება 1945 წელს. იმავე წელს ჩაირიცხა და 1948 წელს დაამთავრა ასპირანტურა. 

 1948-1964წწ. მუშაობდა არნ. ჩიქობავას სახელობის ენათმეცნიერების ინტიტიუტის ლექსიკოლოგიის განყოფილებაში, ხოლო 1964 წლიდან სიცოცხლის ბოლომდე - მთის იბერიულ-კავკასიურ ენათა განყოფილებაში წამყვან მეცნიერ თანამშრომელად. თბილისის სახელმწიფო უნივერსიტეტში კითხულობდა ლეზგიური ენის კურსს. აქტიურად მონაწილეობდა "ქართული ენის განმარტებით ლექსიკონის" რვატომეულის შედგენაში (საქართველოს სახელმწიფო პრემია). ავტორია 200-მე მაღალი მეცნიერული დონის ნაშრომისა ქართველურდამთის იბერიულ-კავკასიურ ენათა აღწერითი და ისტორიული შედარებითი შესწავლის აქტუალურ საკითხებზე. ფილოლოგიურ მეცნიერებათა დოქტორი (1973). 

საკანდიდატო დისერტაცია თემა - " პურეულის ლექსიკა ქართულში", დაიცვა 1949 წელს; სადოქტორო დისერტაციის თემა - "არჩიბული ენა და მისი ადგილი დაღესტნის მონათესავე ენათა შორის", დაიცვა 1973 წელს.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 446; იბერიულ-კავკასიური ენათმეცნიერება XXXVII / თსუ არნოლდ ჩიქობავას სახელობის ენათმეცნიერების ინსტიტუტი.-თბ.,2009.-323 (ice.ge)

• 1971 - საქართველოს სახელმწიფო პრემია (ერთობლივი გამარჯვება)

• პურეულის ლექსიკა ქართულში (ავტორი). - თბილისი, მეცნიერება, 1987. - 115გვ.
• არჩიბული ენა და მისი ადგილი დაღესტნის მონათესავე ენათა შორის (ავტორი). - თბილისი, მეცნიერება, 1979. - 551გვ.