ნოდარ თათარაშვილი

დაბადების ადგილი: ქ. თბილისი.

დაამთავრა ცენტრალური სამობილიზაციო კურსები (1970), მ. ფრუნზეს სახელობის სამხედრო აკადემია (1981), რიაზანის სამხედრო-საავიაციო სასწავლებელი (1991).

1958–1984 წლებში მსახურობდა საბჭოთა არმიაში; 1984–1992 წლებში იყო აჭარის სამხედრო კომისარი, 1993 წლიდან–საქართველოს შეიარაღებული ძალების მთავარი შტაბის უფროსის მოადგილე, 1993–1994 წლებში საქართველოს მხრიდან ცხინვალის რეგიონის სამშვიდობო ძალების სარდალი. 1994 წელს მიენიჭა გენერალ-მაიორის წოდება, 1996 წლიდან არის გენერალ-ლეიტენანტი.  1994–1998 წლებში იყო თავდაცვის მინისტრის პირველი მოადგილე, 1994–1996 წლებში–თავდაცვის სამინისტროს მთავარი შტაბის უფროსი, 1996–1998 წლებში საქართველოს სამხედრო კომისარი და თავდაცვის სამინისტროს სამხედრო კოლეგიის წევრი. 2001 წლიდან თადარიგშია.

წყარო: საქართველო: ენციკლოპედია: ტ.III.–თბ., 2014.-გვ.449