ნინო კვეზერელი-კოპაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1940 წელს.

1941 წელს მეორე მსოფლიო  ომის  დაწყებისთანავე, ნებაყოფილობით ჩაერთო N14-19 ევაკოგოსპიტალის მუშაობაში, რომელიც გათანაბრებული იყო მომქმედ არმიასთან; წლების განმავლობაში მუშაობდა ჯერ დედათა და ბავშვთა ჯანდაცვის კვლევით ინსტიტუტში, შემდეგ კ. ჩაჩავას სახელობის სამეანო-გინეკოლოგიური კვლევით ინსტიტუტში, სადაც პრაქტიკოსი ექიმის საქმიანობის გარდა ეწეოდა სამეცნიერო კვლევით მუშაობასაც. შეისწავლა ახალშობილთა სუნთქვის ცვლილებების დინამიკა დაბადებიდან პირველ დღეებში, ასევე ორსულებში ნეფროპათიის შემთხვევები და მისი გავლენა ახალშობილებზე.

საკანდიდატო დისერტაციის თემა - "კლინიკო-ფიზიოლოგიური და ბიოქიმიური მაჩვენებლები, ახალშობილ ბავშვებში დაბადებული ორსულთა ნეფროპათიით დაავადებულ დედებიდან სიცოცხლის პირველ დღეებში" (რუსულ ენაზე), დაიცვა 1972 წელს. 

წყარო: მეცნიერი ქალი - მედიცინის მეცნიერები: geowomen.wordpress.com

• საქართველოს პერინატოლოგთა და ნეონატოლოგთა საერთაშორისო ასოციაცია, საპატიო წევრი (1998-)

• შრომის ვეტერანი
• სამამულო ომის ვეტერანი