თეიმურაზ წიკლაური

დაბადების ადგილი: დაბა კოჯორი.

დაამთავრა თბილისის უცხო ენათა პედაგოგიური ინსტიტუტი 1972 წელს.

1967 წლიდან იყო საქართველოს ფილარმონიის სოლისტი; 1967–1972წწ. ანსამბლ "ციცინათელას" წევრი, 1972 წლიდან ანსამბლ "ივერიას" სოლისტი; რეპერტუარი, ქართველ კომპოზიტორთა სიმღერები, მათ შორის: "ჩემი თბილისი და ფიროსმანი"(ნ. გიგაური), "საქართველოს მანანებო"(კ. ცაბაძე), "იყიდება საქართველო"(ა. ბასილაია), "დინამო"(ვ. აზარაშვილი); ა. ბასილაიას მიუზიკლები(სცენარი ჯ. ბაღაშვილის): არწივი(1980, "ჩხიკვთა ქორწილი"), მეფე აიეტი(1983, "არგონავტები"), გერვასი(1986, "თოვლის ბებოს ზღაპარი"), ნიკო ფიროსმანი(1995, "ფიროსმანი"); როლები კინოფილმებში: "სინათლე ჩვენს ფანჯრებში"(1968), "ივერია, სიყვარული და..."(1974), "უმცროსი და"(1977), "ჩხიკვთა ქორწილი"(1984), "არგონავტები"(1985); 2014 წელს გაიხსნა ვარსკვლავი თბილისის დიდ საკონცერტო დარბაზთან; საესტრადო მომღერალი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 559; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.60

• 2010 - თბილისის საპატიო მოქალაქე
• 1997 - ღირსების ორდენი
• 1990 - საქართველოს სახალხო არტისტი
• 1980 - საქართველოს დამსახურებული არტისტი