ეთერ ჭაბუკიანი

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1949 წელს.

1949 წლიდან თბილისის ზ. ფალიაშვილის სახ. ოპერისა და ბალეტის თეატრის საბალეტო დასის წამყვანი სოლისტია. ეთერ ჭაბუკიანის მიერ შესრულებული როლებიდან აღსანიშნავია: მარტა (ა. ადანის "ჟიზელი"), მზექალა (ს. ცინცაძე "ცისფერი მთის საუნჯე"), ბიანკა (ა. მაჭავარიანის "ოტელო"), ქუჩის მოცეკვავე (ლ. მინკუსის "დონ კიხოტი"), სამეფო თევზი (ბ. კვერნაძე "მხატვრის სახელოსნოში"), ხასინტა (ა. კრეინის "ლაურენსია"), ელეონორა დ'ესტე (ლისტის "ტორკვატო ტასო"), მარია (ასაფიევის "ბახჩისარაის შადრევანი"), პრინცესა ფლორინა (ჩაიკოვსკის "მძინარე მზეთუნახავი"). განსაკუთრებით გაითქვა სახელი სენ-სანსის "მომაკვდავი გედისა" და გლუკის "მელოდიის" შესრულებით, შ. გუნოს "ვალპურგიის ღამე". საცეკვაო ნომრები ოპერებში: ზ. ფალიაშვილის "აბესალომ და ეთერი", "დაისი", ვ. დოლიძის "ქეთო და კოტე", მ. ბალანჩივაძის "დარეჯან ცბიერი".  გასტროლებით სტუმრობდა სამხრეთ ამერიკას, ავსტრიას, არგენტინას, საფრანგეთს, უნგრეთს, პოლონეთს (თბილისის საბალეტო დასთან ერთად). ქართველი ბალერინა.

წყარო: ქართული მუსიკის ენციკლოპედიური ლექსიკონი. – თბ., 2015. – გვ.563; 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.35

• 1964 - საქართველოს დამსახურებული არტისტი